Раман Пасевіч
Рама́н Пасе́віч (нар. 28 лістапада 1999 году) — беларускі футбаліст, нападнік расейскага клюбу «Ўфа».
| Раман Пасевіч | ||
| ||
| Пэрсанальная інфармацыя | ||
|---|---|---|
| Нарадзіўся | 28 лістапада 1999[1] (25 гадоў) | |
| Рост | 170 см[2] | |
| Вага | 68 кг[2] | |
| Пазыцыя | нападнік | |
| Клюбная інфармацыя | ||
| Клюб | Уфа | |
| Нумар | 97 | |
| Клюбы | ||
| Гады | Клюб | Гульні (галы)¹ |
| 2018 | Асіпавічы | 11 (9) |
| 2018 | Спадарожнік | 14 (7) |
| 2019 | Ліда | 28 (4) |
| 2020—2022 | Нёман Горадня | 45 (1) |
| 2021 | → Смаргонь | 13 (5) |
| 2023— | Уфа | 17 (2) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец пастаўскай акадэміі ПМЦ. Выступаў за мясцовы клюб у чэмпіянаце Віцебскай вобласьці, таксама гуляў за юнацкую каманду «Іслачы». У лютым 2018 году далучыўся да другалігавых «Асіпавічаў», дзе і пачаў дарослую кар’еру. Гулец хутка стаў адным з асноўных бамбардзіраў каманды. У ліпені 2018 году беспасьпяхова праходзіў прагляд у моладзевай камандзе кіеўскага «Дынама»[3], а ў хуткім часе перабраўся ў рэчыцкі «Спадарожнік».
У лютым 2019 году склаў кантракт зь «Лідай»[4], дзе чаргаваў выхады ў стартавым складзе і на замену. У студзені 2020 году прыбыў на прагляд у гарадзенскі «Нёман» і неўзабаве стаў гульцом клюбу[5]. Сэзон 2020 году пачынаў у клюбным дублі. 4 ліпеня 2020 году дэбютаваў у Найвышэйшай лізе ў матчы супраць «Іслачы» (1:0), калі выйшаў у пачатковым складзе і быў заменены ў першым тайме. У далейшым працягваў часьцей заставацца на лаўцы запасных і гуляў за дубль, зрэдку выходзіў на поле ў асноўным складзе «Нёману». У сэзоне 2021 году пачаў часьцей прыцягвацца да асновы, часам зьяўляўся ў першай адзінаццатцы дружыны.
У ліпені 2021 году быў аддадзены ў арэнду ў «Смаргонь»[6]. З 5 галамі стаў найлепшым бамбардзірам каманды ў сэзоне, але ня выратаваў яе ад вылету ў Першую лігу. Па заканчэньні арэнды ў лістападзе 2021 году вярнуўся ў «Нёман»[7], калі з студзеня 2022 году пачаў трэнавацца разам з камандай[8]. У сэзоне 2022 году быў адным з галоўных гульцоў гарадзенскай дружыны, правёўшы ўсе 30 матчаў чэмпіянату Беларусі, у якіх выходзіў пераважна ў стартавым складзе.
У пачатку 2023 году праз забарону Міністэрства спорту і турызму ня трапіў у заяўку «Нёмана» на сэзон і ня браў удзелу ў афіцыйных матчах каманды ў 2023 годзе, але працягваў трэнавацца і гуляць у таварыскіх матчах. У чэрвені 2023 году абвесьціў пра сыход з клюбу[9], а ў ліпені 2023 году склаў працоўную ўгоду з расейскай «Уфой»[10].
Крыніцы
рэдагаваць- ^ а б в г д https://www.fcneman.by/by/komanda/main/647.html
- ^ а б в г https://www.fcufa.pro/komanda/osnovnoj-sostav
- ^ Форвард "Осиповичей" не подошел дублю киевского "Динамо"
- ^ "Лида" подписала трех футболистов
- ^ Роман Пасевич стал игроком "Немана"
- ^ "Неман" отдал Пасевича в аренду "Сморгони"(недаступная спасылка)
- ^ Семь арендованных игроков покидают "Сморгонь"
- ^ На просмотре в "Немане" ряд футболистов
- ^ Пасевич заявил об уходе из "Немана" (рас.) Праверана 2023-07-06 г.
- ^ "Уфа" объявила о подписании контракта с Пасевичем (рас.) Праверана 2023-07-06 г.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway