Радрыгу Сылва дэ Гоіс
Радрыгу Сылва дэ Гоіс (па-партугальску: Rodrygo Silva de Goes; нар. 9 студзеня 2001 году) — бразыльскі футбаліст, нападнік гішпанскага клюбу «Рэал» і нацыянальнай зборнай Бразыліі. Зважаецца адным з найлепшых ўінгераў у сьвеце, бо вядомы сваёй хуткасьцю, прэсінгам, працаздольнасьцю, дрыблінгам і выніковымі ўдарамі[3][4][5][6].
| Радрыгу Сылва дэ Гоіс | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 9 студзеня 2001[1][2] (23 гады) | |
| Рост | 1,74 м | |
| Вага | 63 кг | |
| Клюбная інфармацыя | ||
| Клюб | Рэал Мадрыд | |
| Нумар | 11 | |
| Клюбы | ||
| Гады | Клюб | Гульні (галы)¹ |
| 2017—2019 2019— |
Сантус Рэал Мадрыд |
41 (9) 153 (29) |
| Зборныя | ||
| 2019— | Бразылія | 31 (7) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагаваць.jpg)
Радрыгу трапіў у сыстэму футбольнага клюбу «Сантус» у 2011 годзе, але спачатка быў замацаваны за футзальнай камандай клюбу[7]. У сакавіку 2017 году быў падцягнуты да першай футбольнай каманды перад матчам Кубка Лібэртадорэс супраць пэруанскага «Спортынг Крысталю» тагачасным трэнэрам Дорывалам Жуніярам. У ліпені таго ж году склаў першы прафэсійны кантракт з клюбам, пасьля чаго 4 лістапада ў матчы Сэрыі А дэбютаваў у складзе «Сантуса» супраць «Атлетыку Мінэйру»[8]. Свой першы гол забіў у рамках сустрэчы Лігі Паўлісты супраць «Понці-Прэту»[9]. 3 чэрвеня 2018 году адзначыўся галявым хет-трыкам і выніковай перадачай у матчы супраць «Віторыі»[10].
15 чэрвеня 2018 году «Рэал» дасягнуў пагадненьня з «Сантусам» аб пераходзе Радрыгу. У выніку гулец далучыўся да «сьметанковых» у чэрвені 2019 году, склаўшы працоўную дамову да 2025 году[11]. Паводле чутак, мадрыдцы выклалі 45 мільёнаў эўра[12], пры гэтым «Сантус» атрымаў 40 мільёнаў эўра, бо клуб валодаў 80% ягоных правоў, астатняе належыла агентам футбалістам[13]. 25 верасьня 2019 году Радрыгу дэбютаваў у першай дружыне і забіў свой першы гол у лізе ў маты супраць «Асасуны» цягам усяго некалькіх хвілінаў[14]. 6 лістапада бразылец учыніў свой чарговы хет-трык, аддаўшы ў дадатак галявы пас, маючы толькі 18 гадоў і 301 дзень. Гэта адбылося ў матчы Лігі чэмпіёнаў супраць турэцкага «Галатасараю»[15]. Гульня скончылася зь лікам 6:0 на карысьць пірэнэйцаў. 30 красавіка Радрыгу дапамог здабыць тытул чэмпіёнаў Гішпаніі, двойчы ўлучыўшы мяч у браму «Эспанёлу»[16]. 4 траўня, дзякуючы двум галам Радрыгу, «Рэал» здолеў перавесьці матч паўфіналу Лігі чэмпіёнаў супраць «Манчэстэр Сіці» ў авэртайм. У выніку мадрыдцы перамаглі ў турніры, перагуляўшы ў фінале «Лівэрпул». Радрыгу зьявіўся ў вырашальным матчы толькі на некалькі хвілінаў сустрэчы. У сэзоне Ля Лігі 2023—2024 гадоў нападнік здолеў адзначыцца 10 галамі, што ў тым ліку дапамогло «сьметанковым» здабыць чарговую перамогу ў чэмпіянаце краіны.
Міжнародная
рэдагавацьДэбютаваў у складзе нацыянальнай зборнай Бразыліі 15 лістапада 2019 году ў таварыскім матчы супраць зборнай Аргентыны, зьявіўшыся на пляцоўцы на апошнія 20 хвілінаў сустрэчы[17].
Дасягненьні
рэдагаваць«Рэал»:
- Чэмпіён Гішпаніі: 2020, 2022, 2024
- Уладальнік Кубка Гішпаніі: 2023
- Уладальнік Супэркубка Гішпаніі: 2020, 2022, 2024
- Пераможца Лігі чэмпіёнаў: 2022, 2024
- Уладальнік Супэркубка Эўропы: 2022, 2024
- Пераможца клюбнага чэмпіянату сьвету: 2022
Крыніцы
рэдагаваць- ^ а б в Rodrygo // Transfermarkt (мн.) — 2000.
- ^ а б в г д https://veja.abril.com.br/esporte/personalidade-e-refinamento-como-rodrygo-virou-o-xodo-de-tite-na-copa/
- ^ «The 10 best wingers in world football have been ranked»(недаступная спасылка). GiveMeSport.
- ^ «The 25 best right wingers in world football — ranked». 90min.
- ^ «Ranked! The 10 best right-wingers in the world right now». FourFourTwo.
- ^ «Best wingers in the world 2024». Radio Times.
- ^ «Inspiração em Neymar e pai jogador: conheça Rodrygo, nova joia do Santos». Globo Esporte.
- ^ «Santos sofre, mas vence Atlético-MG de Robinho e fica a três pontos do líder». Globo Esporte.
- ^ «Sasha e 'nova promessa' do Santos viram o jogo e dão vitória contra a Ponte». UOL Esporte.
- ^ «Com show de Rodrygo, Santos goleia o Vitória na Vila e dá fôlego a Jair». UOL Esporte.
- ^ «Official Announcement: Rodrygo Goes». Real Madrid C. F.
- ^ «Real Madrid transfer news: €45 million deal agreed for Santos wonderkid Rodrygo». Goal.com.
- ^ «Santos striker Rodrygo signs for Real Madrid until 2025». Sport.
- ^ «Rodrygo becomes Real Madrid’s first 21st century scorer». Marca.
- ^ «Rodrygo makes Champions League history with quickfire Real Madrid double». Goal.com.
- ^ «Real Madrid 4–0 Espanyol». BBC Sport.
- ^ «Real Madrid: Rodrygo makes full debut for Brazil against Argentina». Diario AS.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball