Асасуна Памплёна

гішпанскі футбольны клюб з Памплёны

«Асасу́на» (па-гішпанску: Club Atlético Osasuna) — гішпанскі футбольны клюб з гораду Памплёна, што месьціцца ў аўтаномным краі Навара. У перакладзе з басконскай мовы назва клюбу азначае «здароўе»[1]. Заснаваны ў 1920 годзе. Найвышэйшыя дасягненьні — чацьвертае месца ў Ля Лізе (1991 і 2006). Хатнія гульні праводзіць на стадыёне «Эстадыё Рэйна дэ Навара», што здольны ўмясьціць 19 800 чалавек.

Асасуна
Osasuna.png
Поўная назва Club Atlético Osasuna
Заснаваны 1920
Горад Памплёна, Гішпанія
Стадыён Эстадыё Рэйна дэ Навара
Умяшчальнасьць: 19 800
Прэзыдэнт Люіс Сабальса
Галоўны трэнэр Ягоба Арасатэ
Чэмпіянат Ля Ліга
 · 2018—2019 Сэгунда, 1 месца (павышэньне)
Хатнія колеры
Выязныя колеры
https://www.osasuna.es/

ГісторыяРэдагаваць

Заснаваны ў 1920 годзе клюб «Асасуна» ўпершыню выйшаў у Сэгунду ў 1932 годзе, а праз тры гады быў клясыфікаваны ў Ля Лігу. Скончыўшы сэзон 1984—1985 гадоў на шостым месцы ў чэмпіянаце, клюб атрымаў права на ўдзел у кубку УЭФА, адкуль выбыў у другім крузе.

Наступны ўзьлёт каманды прыйшоўся на сэзон 1990—1991 гадоў, калі Асасуна заняла чацьвертае месца ў чэмпіянаце й заваявала права на ўдзел у кубку УЭФА, дзе дайшла да трэцяга кругу. Аднак па выніках сэзону 1993—1994 гадоў клюб пакінуў Ля Лігу й правёў шэсьць сэзонаў у Сэгундзе. У сэзоне 2004—2005 гадоў клюб дайшоў да фіналу Кубка Гішпаніі, дзе саступіў «Бэтысу».

У сэзоне 2005—2006 гадоў каманда фінішавала чацьвертай у чэмпіянаце, такім чынам, паўтарыўшы сваё найвышэйшае дасягненьне ў чэмпіянаце Гішпаніі, і атрымала права прыняць удзел у Лізе чэмпіёнаў, стартаваўшы з трэцяга клясыфікацыйнага раўнду. Аднак прабіцца ў групавы этап не атрымалася, і клюб быў вымушаны здавольвацца ўдзелам у Кубку УЭФА, пяты раз у сваёй гісторыі. Стартаваўшы з групавога этапу клюб, выйшаў у плэй-оф, дзе дайшоў да паўфіналу, у якім саступіў будучаму пераможцу — «Сэвільлі».

Пасьля гэтых посьпехаў клюб разьмяшчаецца ў ніжняй частцы табліцы й у асноўным вядзе барацьбу за выжываньне. У сэзоне 2008—2009 гадоў клюб здолеў пазьбегнуць вылету зь Лігі толькі ў апошнім туры, знаходзячыся на 18 месцы ў табліцы й прымаючы дома «Рэал Мадрыд». На працягу матчу памплёнцы саступалі зь лікам 0:1, але ўсё ж такі перамаглі з канчатковым лікам 2:1.

СкладРэдагаваць

Актуальны на 5 траўня 2020 году
Пазыцыя Імя Год нараджэньня
1   Бр Сэрхіё Эрэра 1993
2   Аб Ігнасьё Відаль 1995
3   Аб Рауль Навас (ар. Рэал Сасьедад) 1988
4   Аб Унаі Гарсія 1992
5   Аб Давід Гарсія 1994
6   ПА Аер Санхурха (капітан) 1986
7   Нап Марк Кардона 1995
8   ПА Фран Мэрыда 1990
9   Нап Эсэк’ель Авіля 1994
10   ПА Рабэрта Торэс 1989
11   Нап Энрык Гальега (ар. Хэтафэ) 1986
12   Аб Факунда Ранкальля 1987
13   Бр Рубэн Мартынэс 1984
Пазыцыя Імя Год нараджэньня
14   ПА Рубэн Гарсія 1993
15   Аб Антоніё Ляторэ (ар. Валенсія) 1997
16   Нап Хасэ Арнаіс (ар. Леганэс) 1995
17   Нап Робэрт Ібаньес 1993
19   Нап Кіке Барха 1997
20   ПА Дарка Брашанац 1992
21   ПА Іньіга Пэрэс 1988
22   Нап Адрыян Лёпэс 1988
23   Аб Арыданэ Эрнандэс 1989
25   Бр Хуан Пэрэс 1996
27   ПА Хон Манкаёля 1998
30   Аб Пэрвіс Эступіньян (ар. Ўотфард) 1998

КрыніцыРэдагаваць

Вонкавыя спасылкіРэдагаваць

  Асасуна Памплёнасховішча мультымэдыйных матэрыялаў