Пякалічы

Пяка́лічы — вёска ў Беларусі. Уваходзіць у склад Шчадрынскага сельсавету Жлобінскага раёну Гомельскай вобласьці. Насельніцтва 66 чал. (2004). Знаходзіцца за 44 км на захад ад места Жлобін, за 21 км ад чыгуначнай станцыі Чырвоны Бераг (лінія Бабруйск — Жлобін), за 1135 км ад Гомелю.

Пякалічы
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	66 чал. (2004)
Часавы пас:	UTC+3
Геаграфічныя каардынаты:	52°53′26.8″ пн. ш. 29°28′33.3″ у. д.
Пякалічы на мапе Беларусі Пякалічы

На поўначы мэліярацыйны канал.

Гісторыя

Паводле пісьмовых крыніцаў вядомая з XIX стагодзьдзя як вёска ў Сьцяпоўскай воласьці Бабруйскага павету Менскай губэрні. У 1885 годзе працавала царква. Паводле перапісу 1897 году знаходзіліся капліца, хлебазапасная крама.

У 1930 годзе арганізаваны калгас «Чырвоная Змена», працавала кузьня. На франтах Вялікай Айчыннай вайны загінулі 35 жыхароў. Вызваленая 27 чэрвеня 1944 году. У выніку пажару 31 траўня 1945 году згарэлі 28 жылых будынкаў, 31 хлеў і 3 сьвіраны. Паводле перапісу 1959 году ў складзе калгасу імя К. Я. Варашылава (цэнтар — вёска Шчадрын).

Насельніцтва

• XIX стагодзьдзе: 1885 — 22 двары, 225 жыхароў; 1885 — 55 двароў, 412 жыхароў (паводле перапісу)
• XX стагодзьдзе: 1925 — 107 двароў; 1959 — 543 жыхары (паводле перапісу)
• XXI стагодзьдзе: 2004 — 41 гаспадарка, 66 жыхароў

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.