Пагранічны (пасёлак)
- Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бераставіца, Пагранічны.
Паграні́чны[1] (да 1978 году — Бераставіца[2]) — пасёлак у Бераставіцкім раёне Гарадзенскай вобласьці, на шашы Р99, за 5 км на ўсход ад мяжы з Польшчай, за 10 км на поўдзень ад Вялікай Бераставіцы, за 30 км на захад ад Ваўкавыску. Пагранічны ўваходзіць у склад і зьяўляецца цэнтрам Пагранічнага сельсавету і камунальнага сельскагаспадарчага ўнітарнага прадпрыемства «Пагранічны-Агра».
| Пагранічны | |
| Першыя згадкі: | 1885 |
| Вобласьць: | Гарадзенская |
| Раён: | Бераставіцкі |
| Сельсавет: | Пагранічны |
| Насельніцтва: | 1574 (2019) |
| Тэлефонны код: | +375 1511 |
| Паштовы індэкс: | 231773 |
| Аўтамабільны код: | 4 |
| Геаграфічныя каардынаты: | 53°07′ пн. ш. 23°58′ у. д. / 53.117° пн. ш. 23.967° у. д.Каардынаты: 53°07′ пн. ш. 23°58′ у. д. / 53.117° пн. ш. 23.967° у. д. |
Пагранічны на мапе Беларусі   Пагранічны | |
Гісторыя
рэдагавацьГісторыя пасёлку зьвязаная з разьвіцьцём чыгуначнай станцыі, якая ўзьнікла на гэтым месцы ў сувязі з будаўніцтвам чыгуначнай дарогі Баранавічы — Беласток. Першыя цягнікі станцыя прыняла ў 1887 годзе. Да 1917 году празь яе праходзілі пасажырскія цягнікі ў Заходнюю Эўропу. У пасьляваенны час была грузавой і перавалачнай станцыяй. Сярод грузаў перабольшваў каменны вугаль. Населены пункт вакол станцыі ня меў асобнай назвы, а ўсё разам называлася «станцыя Бераставіца».[3]
30 сьнежня 1975 году пасёлак Бераставіца ператвораны ў працоўны пасёлак. 17 сакавіка 1978 году працоўны пасёлак Бераставіца перайменаваны ў Пагранічны, Цецяроўскі сельсавет скасаваны, населеныя пункты, якія ўваходзілі ў яго склад, перададзеныя ў склад новаўтворанага Пагранічнага пасялковага савету[4][5].
9 жніўня 2007 году працоўны пасёлак Пагранічны быў аднесены да катэгорыі сельскіх населеных пунктаў[6], у сувязі з гэтым быў скасаваны Пагранічны пасялковы савет і створаны Пагранічны сельсавет[7].
Насельніцтва
рэдагаваць- 1 студзеня 2019 году — 1574 чал.[3]
Транспарт
рэдагавацьМаецца чыгуначная станцыя Бераставіца.
Вуліцы
рэдагавацьУ пасёлку налічваецца 20 вуліцаў[3].
Крыніцы
рэдагаваць- ^ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9. (pdf)
- ^ Рапановіч, Я. Н. Слоўнік назваў населеных пунктаў Гродзенскай вобласці / Рэд. П. П. Шуба. — Мн.: Навука і тэхніка, 1982. — 319 с. С. 180
- ^ а б в Пагранічны сельскі выканаўчы камітэт // Бераставіцкі раённы выканаўчы камітэт
- ^ Пагранічны сельсавет (рас.) // Фондавы каталёг дзяржаўных архіваў Рэспублікі Беларусь
- ^ Административно-территориальное устройство БССР: справочник. В 2-х т. Т. 2 (1944—1980 гг.) / Гл. арх. упр. при Совете Министров БССР, Ин-т философии и права АН БССР. — Мн.: Беларусь, 1987. — 283 с. С. 65
- ^ «О решении вопросов административно-территориального устройства Берестовицкого района». Решение Берестовицкого районного Совета депутатов от 9 августа 2007 г. № 30(недаступная спасылка) (рас.)
- ^ «О решении вопросов административно-территориального устройства Берестовицкого района». Решение Гродненского областного Совета депутатов от 5 октября 2007 г. № 50 (рас.)