Павал Яўсеенка
Павал Яўсеенка (нарадзіўся 30 кастрычніка 1980 году) — колішні беларускі футбаліст, абаронца. Цяпер працуе трэнэрам.
| Павал Яўсеенка | ||
| Пэрсанальная інфармацыя | ||
|---|---|---|
| Нарадзіўся | 30 кастрычніка 1980[1] (43 гады) | |
| Рост | 182 см | |
| Вага | 77 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 1999 | Маладэчна-2018 | 24 (3) |
| 2000 | РШВСМ-Алімпія[d] | 21 (3) |
| 2001—2003 | Камунальнік[d] | 64 (11) |
| 2004 | Мікашэвічы | 30 (11) |
| 2005 | Хімік | 27 (4) |
| 2006—2007 | Менск | 26 (6) |
| 2008 | Савіт Магілёў | 5 (0) |
| 2008—2009 | Тарпэда-БелАЗ | 34 (1) |
| 2010—2012 | Гомель | 66 (1) |
| 2013 | Славія Мазыр | 22 (1) |
| 2014—2016 | Мікашэвічы | 58 (3) |
| 2016 | Тарпэда Менск | 13 (0) |
| Трэнэрскія клюбы | ||
| 2024— | АБФФ U-17[d] | |
Кар’ера
рэдагавацьКлюбная
рэдагавацьВыхаванец менскай школы «Алімпія». Гуляў за шэраг беларускіх клюбаў, пераважна ў Першай лізе. У 2006 годзе стаў найлепшым бамбардзірам клюбу «Менск», які паводле вынікаў сэзону атрымаў месца ў Найвышэйшай лізе. У 2010 годзе перайшоў у «Гомель», які пакінуў Найвышэйшую лігу, але паводле вынікаў сэзону 2010 году вярнуўся ў найвышэйшы дывізіён. Спачатку быў асноўным правым абаронцам, але потым саступіў гэтае месца Сяргею Мацьвейчыку і ў сэзоне 2012 году зрэдку зьяўляўся на полі.
У студзені 2013 году стаў гульцом мазырскай «Славіі»[2], дзе замацаваўся ў асноўным складзе на пазыцыі правага абаронцы. Верасень і кастрычнік 2013 году прапусьціў праз траўмы, але потым вярнуў месца ў асноўным складзе. Паводле вынікаў сэзону 2013 году «Славія» пакінула Найвышэйшую лігу, і ў сакавіку 2014 году Яўсеенка прыяднаўся да першалігавага «Граніта»[3]. Спачатку толькі выходзіў на замену, але пазьней замацаваўся ў асноўным складзе і дапамог клюбу атрымаць перамогу ў Першай лізе 2014 году. У лютым 2015 году падоўжыў кантракт з «Гранітам»[4]. У сэзоне 2015 году заставаўся асноўным правым абаронцам мікашэвічцаў у Найвышэйшай лізе.
У ліпені 2016 году празь фінансавыя цяжкасьці пакінуў «Граніт»[5] і неўзабаве ўзгодніў кантракт зь менскім «Тарпэда»[6], дзе замацаваўся ў першым складзе. У сьнежні 2016 году падоўжыў кантракт з тарпэдаўцамі на наступны сэзон[7], аднак у студзені 2017 году прыняў прапанову ўвайсьці ў трэнэрскі штаб салігорскага «Шахцёра»[8].
Трэнэрская
рэдагавацьЗ пачатку 2017 году пачаў дапамагаць у «Шахцёры» Алегу Кубараву, разам зь якім працаваў у жодзінскім «Тарпэда» і «Гомлі». У ліпені 2017 году разам з усім трэнэрскім штабам «Шахцёра» быў адпраўлены ў адстаўку[9]. Неўзабаве стаў памочнікам Кубарава ў жодзінскім «Тарпэда-БелАЗ»[10]. У канцы 2018 году ўсьлед за Кубаравым пакінуў жодзінскі клюб[11]. З 2019 году быў памочнікам Кубарава ў латвійскай «Елгаве», у жніўні 2020 году разам зь ім пакінуў клюб[12].
У кастрычніку 2021 году часова ўваходзіў у трэнэрскі штаб нацыянальнай зборнай Беларусі замест выбылых праз хваробы трэнэраў, а неўзабаве стаў трэнэрам у жаночай зборнай Беларусі. У сакавіку 2022 году зноў апынуўся ў трэнэрскім штабе мужчынскай зборнай[13]. У жніўні 2023 году атрымаў трэнэрскую ліцэнзію катэгорыі PRO[14]. У верасьні 2023 году ўвайшоў у трэнэрскі штаб новага галоўнага трэнэра зборнай Беларусі Карляса Алёса[15].
У пачатку 2024 году стаў таксама галоўным трэнэрам каманды АБФФ Ю-17, якая далучылася да Першай лігі чэмпіянату Беларусі[16][17][18].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Граніт | 2015 | Найвышэйшая ліга | 20 | 0 |
| 2016 | Найвышэйшая ліга | 13 | 0 | |
| Тарпэда Менск | Першая ліга | 13 | 0 | |
Крыніцы
рэдагаваць- ^ а б в Pavel Evseenko // Transfermarkt (мн.) — 2000.
- ^ Евсеенко перешел в «Славию» (рас.)
- ^ Хомляк, Евсеенко, Юденков и еще пять футболистов стали игроками «Гранита» (рас.)
- ^ Дмитрий Климович и Павел Кирильчик стали игроками "Гранита" (рас.)
- ^ Трухов и Евсеенко покинули «Гранит» (рас.)
- ^ Узмацненне мінскага Тарпеда (бел.)
- ^ Евсеенко продлил контракт с минским «Торпедо» (рас.)
- ^ Эдуард Тучинский и Павел Евсеенко вошли в тренерский штаб "Шахтера" (рас.)
- ^ Кубарев отправлен в отставку с поста главного тренера солигорского "Шахтера" (рас.)
- ^ Кубарев представлен в качестве главного тренера "Торпедо-БелАЗ" (рас.)
- ^ Яхая в “Аль-Фейху”, Гуренко туда же? (рас.)
- ^ Олег Кубарев уволен с поста главного тренера "Елгавы" (рас.)
- ^ Павел Евсеенко вошел в тренерский штаб национальной сборной Беларуси (рас.)
- ^ Радьков, Челядинский, Горовцов и еще 16 тренеров стали обладателями лицензий PRO (рас.) Праверана 2024-04-11 г.
- ^ Стал целиком известен тренерский штаб Карлоса Алоса в сборной Беларуси (рас.)
- ^ Евсеенко о сборной Беларуси (U-19) в Д2: "Права на игроков продолжат принадлежать клубам" (рас.)
- ^ От "Энергетика-БГУ" и "Белшины" до дублей. Заявки команд первой лиги (сезон-2024) (рас.)
- ^ Вот тебе и дети! Юношеская команда БФФ — творец главной сенсации 1-го тура первой лиги (рас.)
Вонкавыя спасылкі
рэдагаваць- Профіль на сайце «Гомелю» (рас.)
- Статыстыка «ПБ-Инфо» (рас.)