Павал Чыкіда
Па́вал Чыкі́да (нарадзіўся 21 чэрвеня 1995 году) — беларускі футбаліст, абаронца мазырскай «Славіі».
| Павал Чыкіда | ||
| Пэрсанальная інфармацыя | ||
|---|---|---|
| Нарадзіўся | 21 чэрвеня 1995[1] (29 гадоў) | |
| Рост | 178 см | |
| Вага | 77 кг[2] | |
| Пазыцыя | абаронца, паўабаронца | |
| Клюбная інфармацыя | ||
| Клюб | Славія Мазыр | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2013—2018 | Смалявічы | 125 (4) |
| 2015 | → Крумкачы | 15 (0) |
| 2019 | Дняпро Магілёў[d] | 16 (0) |
| 2020—2021 | Гомель | 51 (0) |
| 2022 | Мактаарал | 12 (0) |
| 2023— | Славія Мазыр | 32 (8) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьУ 2012 годзе выступаў за дубль жодзінскага «Тарпэда-БелАЗ», а на наступны сэзон перайшоў у клюб Першай лігі «Смалявічы-СТІ». У 2014 годзе пачаў трывала выходзіць на поле ў складзе смалявіцкай каманды. У жніўні 2015 году на правах арэнды далучыўся да «Крумкачоў»[3], дзе замацаваўся ў асноўным складзе ў якасьці абаронцы. Да таго гулец выступаў звычайна ў паўабароне. Чыкіда дапамог сталічнаму клюбу прасунуцца ў Найвышэйшую лігу. Па заканчэньні сэзону 2015 году вярнуўся ў «Смалявічы-СТІ» і праз два гады з смалявіцкай камандай таксама прабіўся ў элітны дывізіён.
У сьнежні 2017 году падоўжыў кантракт з клюбам[4], які ў сэзоне 2018 году зьмяніў назву на «Смалявічы». У пачатку сэзону 2018 году звычайна выходзіў на замену, а зь лета пачаў часьцей зьяўляцца ў стартавым складзе. З студзеня 2019 году знаходзіўся на праглядзе ў менскім «Промні» і ў сакавіку падпісаў зь ім кантракт[5]. Неўзабаве «Прамень» пераехаў у Магілёў і аб’яднаўся зь мясцовым «Дняпром». Абаронца стаў гульцом аб’яднанай каманды, якая атрымала назву «Дняпро». Гуляў пераважна ў першай адзінаццатцы. У жніўні 2019 году атрымаў траўму, празь якую выбыў да канца сэзону.
У лютым 2020 году стаў гульцом «Гомлю»[6]. Замацаваўся ў стартавым складзе каманды і дапамог ёй паводле вынікаў сэзону 2020 году вярнуцца ў Найвышэйшую лігу. У лютым 2021 году падоўжыў кантракт з клюбам[7]. У сэзоне 2021 году чаргаваў выхады ў стартавым складзе і на замену. У студзені 2022 году пакінуў гомельскі клюб[8], пасьля чаго праходзіў прагляд у «Віцебску» і казаскім «Аксу», а ў лютым 2022 году узмоцніў склад дэбютанта казаскай Прэм’ер-лігі «Мактаарала»[9]. Пакінуў «Мактаарал» па заканчэньні сэзону 2022 году.
З студзеня 2023 году трэнаваўся з бабруйскай «Белшынай»[10], аднак ня трапіў у заяўку клюбу на сэзон. У выніку, у першай палове 2023 году заставаўся без каманды. У ліпені 2023 году стаў гульцом мазырскай «Славіі»[11]. У лістападзе 2023 году кантракт з «Славіяй» быў скасаваны[12][13]. У студзені 2024 году афіцыйна быў дапушчаны да прафэсійнай дзейнасьці спартоўца ў Беларусі камісіяй пры Генпракуратуры[14], пасьля чаго зноў пачаў трэнавацца з мазырчукамі і ў лютым склаў новае працоўнае пагадненьне з клюбам[15].
Міжнародная
рэдагавацьУ 2016 годзе прыцягваўся да моладзевай зборнай Беларусі[16], аднак гэтак і не згуляў у ейным складзе аніводнага матчу.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Смалявічы | 2017 | Першая ліга | 28 | 1 |
| 2018 | Найвышэйшая ліга | 23 | 0 | |
Крыніцы
рэдагаваць- ^ а б в Pavel Chikida // Transfermarkt (мн.) — 2000.
- ^ а б https://www.teams.by/-/player-2728/
- ^ «Крумкачы» арендовали Чикиду (рас.)
- ^ Чикида, Василенок, Горбачик, Степанов и Гомелько продлили контракты со «Смолевичи-СТИ» (рас.)
- ^ Чикида стал игроком "Луча" (рас.)
- ^ Чикида стал игроком «Гомеля» (рас.)
- ^ "Гомель" продлил контракт с Чикидой (рас.)
- ^ Чикида расстался с "Гомелем" (рас.)
- ^ Чикида сменил "Гомель" на казахстанский "Мактаарал" (рас.)
- ^ Чикида тренируется с "Белшиной" (рас.)
- ^ Чикида, находившийся без клюба с 2022 году, продолжит карьеру в "Славии" (рас.)
- ^ «Славия» расторгла контракты с тремя футболистами (рас.)
- ^ ИСТОЧНИК: СО “СЛАВИЕЙ” РАССТАЛИСЬ СРАЗУ ЧЕТЫРЕ ФУТБОЛИСТА (рас.)
- ^ Семерым "беглым" атлетам разрешили заниматься профдеятельностью в Беларуси (рас.)
- ^ Джигеро и Чикида подписали контракты со "Славией" (рас.)
- ^ Байдук не сыграет за молодежку, Чикида и Шибун пополнили состав (рас.)
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball