Міраслаў Шатан
Мірасла́ў Ша́тан (па-славацку: Miroslav Šatan, [ˈmɪroslɑv ˈʃatan]; нарадзіўся 22 кастрычніка 1974 году) — славацкі хакейны правы нападнік.
| Міраслаў Шатан | ||
|---|---|---|
 | ||
| Рост | 191 см | |
| Вага | 87 кг | |
| Пазыцыя | правы нападнік | |
| Кідок/Ловы | левай | |
| Грамадзянства | ||
| Дата нараджэньня | 22 кастрычніка 1974 (50 гадоў) | |
| Месца нараджэньня | Яцаўцы, Чэхаславаччына | |
| Выступаў за | ||
| Нацыянальная зборная | Славаччына | |
| Драфт НХЛ | 111, 1993 Эдмантан Ойлерз | |
| Гульнявая кар’ера | 1992—2014 | |
Кар’ера
рэдагавацьПрафэсійную кар’еру пачаў у клюбе «Топальчаны», дзе ў 31 матчы сэзону 1991—1992 закінуў 30 шайбаў і аддаў 22 перадачы. Пасьля гэтага ён перайшоў у каманду вышэйшага дывізіёну «Дукла Трэнчын», дзе правёў два сэзоны.
У 1993 року быў задрафтаваны клюбам «Эдмантан Ойлерз» пад 111 нумарам. Да пераходу ў НХЛ гуляў у чэмпіянаце Чэхаславаччыны, а пазьней — Славаччыны, правёў восем матчаў за зборную краіны ды закінуў 9 шайбаў на Алімпіядзе-1994[4].
У 1994—1995 гуляў у ніжэйшых амэрыканскіх лігах за чатыры розныя клюбы, у наступным сэзоне прабіўся ў асноўны склад «Эдмантану». Праз два сэзоны быў абменены ў «Бафала Сэйбрз», дзе выступаў да 2003 року. Падчас лакаўту 2004—2005 гуляў за браціслаўскі «Слован», пасьля чаго ў «Сэйбрз» ужо не вярнуўся[5]. 3 жніўня 2005 заключыў кантракт зь Нью-Ёрк Айлэндэрз[6]. У 2008 перайшоў у Пітсбург Пінгвінз[7], у складзе якіх упершыню выйграў Кубак Стэнлі—2009.
У 2010 заключыў кантракт з «Бостан Бруінз», а ў 2011 перайшоў у клюб Кантынэнтальнай хакейнай лігі «Дынама Масква». Па сканчэньні сэзону вярнуўся ў Славаччыну, дзе выступаў за «Слован Браціслава»[8], у наступным сэзоне стаў капітанам.
Узнагароды
рэдагаваць- Чэмпіён Славаччыны 1994 і 2012 рокаў.
- Удзельнік матчу ўсіх зорак НХЛ 2000 і 2003 рокаў.
- Уладальнік Кубку Стэнлі—2009 зь Пітсбург Пінгвінз.
- Удзельнік матчу ўсіх зорак КХЛ 2014 року.
Крыніцы
рэдагаваць- ^ а б https://www.iihf.com/en/events/2024/wm/teams/roster/45158/slovakia — Міжнародная фэдэрацыя хакею на лёдзе.
- ^ Elite Prospects (анг.) — 1999.
- ^ https://www.hockeyslovakia.sk/sk/hallfame/miroslav-satan
- ^ Mirolav Šatan’s Profile at HockeyDraft.ca
- ^ Satan a free agent after Sabres decline option (анг.). ESPN (2005-08-01). Праверана 2009-08-04 г.
- ^ Satan signs with Islanders (анг.). TSN (2005-08-03). Праверана 2009-08-04 г.
- ^ Penguins sign Miroslav Satan (анг.). Pittsburgh Penguins (2008-07-03). Праверана 2009-08-04 г.
- ^ Miro Šatan v Slovane! Zatiaľ na mesiac (анг.) // 9 September 2011 г. Праверана 10 September 2011 г.