Мядзьведня (Старадароскі раён)
Мядзьве́дня[1] — вёска ў Старадароскім раёне Менскай вобласьці. Мядзьведня ўваходзіць у склад Языльскага сельсавету.
| Мядзьведня | |
| трансьліт. Miadźviednia | |
| Краіна: | Беларусь |
| Вобласьць: | Менская |
| Раён: | Старадароскі |
| Сельсавет: | Языльскі |
| Насельніцтва: | 8 чал. (2010) |
| Часавы пас: | UTC+3 |
| Тэлефонны код: | +375 1792 |
| Нумарны знак: | 5 |
| Геаграфічныя каардынаты: | 53°4′44″ пн. ш. 27°58′53″ у. д. / 53.07889° пн. ш. 27.98139° у. д.Каардынаты: 53°4′44″ пн. ш. 27°58′53″ у. д. / 53.07889° пн. ш. 27.98139° у. д. |
Мядзьведня на мапе Беларусі ±   Мядзьведня | |
Назва
рэдагавацьНазва ўтворана ад прозьвішчаў Мядзьведзь, Мядзьведзеў ці ад слова «мядзьведзь».
Гісторыя
рэдагавацьВядома з XIX стагодзьдзя: засьценкі Мядзьведня Малая, Мядзьведня Вялікая ў складзе Горкаўскай воласьці Бабруйскага павету. У 1897 годзе ў Мядзьведні Вялікай 14 двароў (110 жыхароў), у 1908 годзе 20 двароў (150 жыхароў), у 1917 годзе 101 жыхар. У 1897 годзе ў Мядзьведні Малой 6 двароў (27 жыхароў), у 1908 годзе 13 двароў (78 жыхароў), у 1917 годзе 7 двароў (37 жыхароў). У 1929—1930 гадах арганізаваны калгас «Парыская камуна». У гады Другой сусьветнай вайны вёска была амаль цалкам спаленая за дапамогу партызанам.
Мядзьведня ўваходзіла ў склад Паськавагорацкага сельсавету, які 27 чэрвеня 2003 году быў перайменаваны ў Горкаўскі[2].
28 траўня 2013 году вёска перададзеная зь ліквідаванага Горкаўскага ў склад Языльскага сельсавету[3].
Насельніцтва
рэдагаваць- 2010 год — 8 чалавек
- 1999 год — 13 чалавек
Выхадцы
рэдагавацьВёска Мядзьведня зьяўляецца радзімай беларускага мастака Івана Стасевіча.
Крыніцы
рэдагаваць- ^ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu) С. 451
- ^ Госкартгеоцентр (рас.)
- ^ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 (рас.)