Леанід Каравайка

	Леанід Каравайка
Першы Генэральны консул; Рэспублікі Беларусь у Нью-Ёрку
	22 ліпеня 1993 году — 31 сакавіка 1995 году
Прэм’ер-міністар:	Вячаслаў Кебіч; Міхаіл Чыгір
Папярэднік:	—
Наступнік:	Вадзім Лазерка
Генэральны консул; Рэспублікі Беларусь у Беластоку
	21 красавіка 2001 году — 24 траўня 2007 году
Прэм’ер-міністар:	Уладзімер Ярмошын
Папярэднік:	Мікалай Крэчка
Наступнік:	Міхаіл Аляксейчык
Асабістыя зьвесткі
Нарадзіўся:	19 чэрвеня 1954 (69 гадоў); Бярозаўка (Лідзкі раён,; Гарадзенская вобласьць)
Сужэнец:	Марыя
Дзеці:	Андрэй, Алег
Адукацыя:	Менскі дзяржаўны лінгвістычны ўнівэрсытэт (1976);

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каравайка (неадназначнасьць).

Леанід Аляксандравіч Каравайка (нарадзіўся 19 чэрвеня 1954 году ў Бярозаўцы, Лідзкі раён, Гарадзенская вобласьць) — беларускі дыплямат, першы генэральны консул Беларусі ў Амэрыцы. Мае дыпляматычны ранг надзвычайнага і паўнамоцнага пасланьніка другое клясы.^[1]

Біяграфія рэдагаваць

У 1976 годзе скончыў перакладчыцкі факультэт Менскага дзяржаўнага пэдагагічнага інстытуту замежных моваў па спэцыяльнасьці француская і ангельская мовы. Акрамя францускай і ангельскай валодае польскай і сэрбскай мовамі.

Пасьля заканчэньня вышэйшае навучальнае ўстановы кароткі час працаваў у Беларускім таварыстве сяброўства і сувязяў з замежнымі краінамі. З 1981 па 1987 год працаваў у сакратарыяце ААН у Нью-Ёрку. Пасьля вяртаньня з Нью-Ёрку працягнуў працу ў Беларускім таварыстве сяброўства і сувязяў з замежнымі краінамі рэфэрэнтам аддзела культуры.

На дыпляматычную службу ў міністэрства замежных справаў БССР прыйшоў у 1988 годзе. Працаваў на дыпляматычных пасадах у пратакольна-консульскім, а потым — у консульскім аддзеле міністэрства. З-за адсутнасьці беларускае консульскае ўстановы ў ЗША па міждзяржаўнай дамоўленасьці прызначаны ў 1992 годзе на пасаду консула Генэральнага консульства Расейскае Фэдэрацыі ў Нью-Ёрку.

Адначасова з заснаваньнем 22 ліпеня 1993 году Генэральнага консульства Рэспублікі Беларусь у Нью-Ёрку быў прызначаны першым кіраўніком першае беларускае консульскае ўстановы ў краінах Амэрыкі.^[2] Працаваў на гэтай пасадзе да 31 сакавіка 1995 году.^[3]

Пасьля вяртаньня ў цэнтральны апарат міністэрства замежных справаў працаваў з 1995 па 1997 год начальнікам упраўленьня краінаў СНД, Цэнтральнае і Ўсходняе Эўропы, а пазьней — начальнікам сакратарыята міністэрства.

З 1997 па 1998 год працаваў у місіі АБСЭ ў Босьніі і Герцагавіне.

З 1998 па 2001 год працаваў начальнікам консульскага ўпраўленьня МЗС Беларусі.

З 21 красавіка 2001 году да 24 траўня 2007 году быў Генэральным консулам Рэспублікі Беларусь у Беластоку.^[4]^[5].

Пасьля вяртаньня на Радзіму і да чэрвеня 2012 году працаваў начальнікам упраўленьня па пытаньнях уезду іншаземцаў галоўнага консульскага ўпраўленьня МЗС Беларусі.

З чэрвеня 2012 году па лістапад 2013 году — загадчык консульскага аддзелу, старэйшы дарадца амбасады Беларусі ў Маскве.

Крыніцы рэдагаваць

Вонкавыя спасылкі рэдагаваць

[1] Указ Президента Республики Беларусь от 4 февраля 2002 г. №83 «О присвоении Л. А. Коровайко дипломатического ранга Чрезвычайного и Полномочного Посланника второго класса» (рас.)

[2] Постановление Совета Министров Республики Беларусь от 22 июля 1993 г. №487 «Об открытии Генерального консульства Республики Беларусь в г.Нью-Йорке» (рас.)

[3] Постановление Кабинета Министров Республики Беларусь от 31 марта 1995 г. №182 «О назначении В. И. Лазерко Генеральным консулом Республики Беларусь в Нью-Йорке и освобождении от этой должности Л. А. Коровайко» (рас.)

[4] Пастанова Савета Міністраў Рэспублікі Беларусь ад 21 красавiка 2001 г. № 578 «Аб назначэнні Л.А.Каравайкі Генеральным консулам Рэспублікі Беларусь у г.Беластоку (Рэспубліка Польшча)»(недаступная спасылка)

[5] Пастанова Савета Міністраў Рэспублікі Беларусь ад 24 мая 2007 г. № 670 «Аб вызваленні Л.А.Каравайкі ад пасады Генеральнага консула Рэспублікі Беларусь у г.Беластоку (Рэспубліка Польшча)»(недаступная спасылка)

[1]

[2]

[3]

[4]

[5]