Касьцёл Найсьвяцейшай Тройцы (Дэмбрава)

Помнік сакральнай архітэктуры
Касьцёл Найсьвяцейшай Тройцы
Касьцёл Найсьвяцейшай Тройцы
Краіна	Беларусь
Вёска	Дэмбрава
Каардынаты	53°38′05.70″ пн. ш. 24°28′28.50″ у. д.
Канфэсія	Каталіцкая царква
Эпархія	Гарадзенская дыяцэзія
Касьцёл Найсьвяцейшай Тройцы на мапе Беларусі Касьцёл Найсьвяцейшай Тройцы

Касьцёл Найсьвяцейшай Тройцы — помнік архітэктуры канца XVIII стагодзьдзя ў Дэмбраве. Знаходзіцца ў паўднёвай частцы колішняга мястэчка. Дзее. Твор архітэктуры барока.

Гісторыя

Касьцёл па маскоўскай перабудове, каля 1900 г.

Вялікае Княства Літоўскае

Першы драўляны касьцёл ў Дэмбраве збудавалі ў 1674 годзе. У канцы XVIII ст. на яго месцы збудавалі мураваны касьцёл.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Дэмбрава апынулася ў складзе Расейскай імпэрыі, касьцёл працягваў дзеяць. Па здушэньні нацыянальна-вызвольнага паўстаньня (1863—1864) у 1866 годзе расейскія ўлады гвалтоўна перарабілі касьцёл пад царкву Ўрадавага сыноду Расейскай імпэрыі (Маскоўскай царквы).

Найноўшы час

Улады міжваеннай Польскай Рэспублікі вярнулі касьцёл каталікам.

Архітэктура

Помнік архітэктуры барокау. Гэта прастакутны ў пляне пад 2-схільным дахам аб’ём, да якога далучаецца прастакутная апсыда з бакавымі нізкімі закрысьціямі. Над трыкутным франтонам фасада ўзвышаецца 2-ярусная (васьмярык на чацьверыку) шатровая драўляная званіца. Бакавыя фасады рытмічна падзяляюцца аркавымі аконнымі праёмамі і шырокімі лапаткамі ў прасьценках. Уваход вылучаецца парталам з глыбокай прастакутнай нішай і 2-схільным пакрыцьцём.

Касьцельны пляц атачаецца бутавай агароджай з брамай.

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Найсьвяцейшай Тройцы ў Дэмбраве, Radzima.org