Касьцёл Найсьвяцейшай Тройцы (Безьдзеж)

Помнік сакральнай архітэктуры
Касьцёл Найсьвяцейшай Тройцы
Траецкі касьцёл і званіца, 1929 г.
Траецкі касьцёл і званіца, 1929 г.
Краіна Беларусь
Вёска Безьдзеж
Каардынаты 52°18′58″ пн. ш. 25°18′17″ у. д. / 52.31611° пн. ш. 25.30472° у. д. / 52.31611; 25.30472Каардынаты: 52°18′58″ пн. ш. 25°18′17″ у. д. / 52.31611° пн. ш. 25.30472° у. д. / 52.31611; 25.30472
Канфэсія Каталіцкая царква
Эпархія Пінская дыяцэзія 
Архітэктурны стыль клясыцызм
Статус Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Найсьвяцейшай Тройцы на мапе Беларусі
Касьцёл Найсьвяцейшай Тройцы
Касьцёл Найсьвяцейшай Тройцы
Касьцёл Найсьвяцейшай Тройцы

Касьцёл Найсьвяцейшай Тройцы — помнік архітэктуры XIX ст. у Безьдзежы. Знаходзіцца ў цэнтры гістарычнага мястэчка. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Утвараў адзіны ансамбль зь вежай-званіцай, зруйнаванай савецкімі ўладамі.

ГісторыяРэдагаваць

 
Касьцёл, 1929

Першы драўляны касьцёл у Безьдзежы зьявіўся ў XVI ст. У 1818 годзе замест драўлянага збудавалі мураваны касьцёл[1]. Па здушэньні нацыянальна-вызвольнага паўстаньня (1863—1864) у 1865 годзе ўлады Расейскай імпэрыі гвалтоўна перарабілі касьцёл пад царкву Маскоўскага патрыярхату.

Існуюць зьвесткі[2], што 27 чэрвеня 1914 году намаганьнямі Рамана Скірмунта ў Безьдзежы пачалося будаваньне новага мураванага касьцёла. Сьвятыню скончылі ў 1915 годзе з фундацыі зямяніна Караля Орды, які яшчэ ў 1907 годзе ахвяраваў на яе 2 дзесяціны зямлі і будаўнічы матэрыял, і на сродкі сялянаў.

У наш час касьцёл належаць да Пінскага дэканату Пінскай дыяцэзіі.

АрхітэктураРэдагаваць

Твор архітэктуры клясыцызму. Гэта прастакутны ў пляне аб'ём, накрыты 2-схільным вальмавым дахам. Цэнтральнай восьсю галоўнага фасада разьмяшчаецца ўваходны партал з сандрыкам, над ім люнэт, франтон з круглым акном у тымпане і невялікая цыліндрычная сыгнатурка з крыжам у завяршэньні. Бакавыя фасады падзяляюцца прастакутнымі аркавымі праёмамі. На ляканічных фасадах выдзяляецца антаблемэнт, дзеля простай дэкарацыі выкарыстоўваюцца карнізныя цягі з зубчыкамі, лапаткі на кутах і ў прасьценках. Уваход мае выгляд партала з паўкруглай люкарнай.

Унутраная прастора перакрываецца бэлечнай стольлю. Над уваходам разьмяшчаюцца крывалінейнага абрысу хоры.

КрыніцыРэдагаваць

  1. ^ Касьцёл Найсьвяцейшай Тройцы , Radzima.org
  2. ^ Кулагін А. Каталіцкія храмы Беларусі. — Менск, 2008. С. 32.

ЛітаратураРэдагаваць

  • Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкіРэдагаваць

  Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000185