Казлы (Барысаўскі раён)
Казлы́[3] — вёска ў Барысаўскім раёне Менскай вобласьці, за 7 км на паўднёвы ўсход ад Зачысьця, за 10 км на поўнач ад Лошніцы, 38 км на паўночны ўсход ад Барысава, 110 км ад Менска[1]. Казлы ўваходзяць у склад Прыгараднага сельсавету.
| Казлы | |
| трансьліт. Kazly | |
| Былая назва: | Казлы II |
| Краіна: | Беларусь |
| Вобласьць: | Менская |
| Раён: | Барысаўскі |
| Сельсавет: | Прыгарадны |
| Вышыня: | 200 м н. у. м. |
| Насельніцтва | |
| колькасьць: | 10 чал. (2010) |
| колькасьць двароў: | 7 (2008)[1] |
| Часавы пас: | UTC+3 |
| Тэлефонны код: | +375 177 |
| Паштовы індэкс: | 202136[2] |
| Нумарны знак: | 5 |
| Геаграфічныя каардынаты: | 54°22′32.99″ пн. ш. 28°49′4.01″ у. д. / 54.3758306° пн. ш. 28.8177806° у. д.Каардынаты: 54°22′32.99″ пн. ш. 28°49′4.01″ у. д. / 54.3758306° пн. ш. 28.8177806° у. д. |
Казлы на мапе Беларусі ±   Казлы | |
Назва
рэдагавацьПакуль існавала вёска Казлы I (Казлы), якая знаходзілася за два кілямэтры на поўдзень ад вёскі Зачысьце, вёска мела назву Казлы II.
Гісторыя
рэдагавацьУ 1885 годзе засьценак у Зачысцкай воласьці Барысаўскага павета Менскай губэрні. Паводле перапісу насельніцтва Расейскай імпэрыі 1897 году ва ўладаньні казённага ведамства, мела 7 двароў. У 1917 годзе падзялялася на вёску, у якой было 19 гаспадарак і хутар з 8 гаспадаркамі. У 1918 годзе акупаваная Нямеччынай. Ад 1918 году да 1920 году — пад уладай Польшчы. У жніўні 1920 году ўсталяваная савецкая ўлада. 5 студзеня 1919 года адкрытая школа, у якой у 1920 годзе вучыліся 32 вучні. 20 жніўня 1924 году ўвайшла ў склад Зачысцкага сельсавету Барысаўскага раёну Барысаўскай акругі. Ад 9 чэрвеня 1927 да 26 ліпеня 1930 году ў складзе Менскай акругі, ад 20 лютага 1938 году ў Менскай вобласьці. Перапіс 1926 году паказаў, што ў вёсцы было 25 гаспадарак, у засьценку 11 гаспадарак. Пад час Другой Сусьветнай вайны да 1 ліпеня 1941 году да 29 чэрвеня 1944 году ў акупацыі. Пасьля вайны існавалі дзьве вёскі — Казлы I і Казлы II[4] (былы засьценак), якія ў 1976 годзе былі аб’яднаныя. У 1988 годзе налічвала 23 дамы. Адпаведна рашэньню Менскага абласнога савету дэпутатаў ад 30 сакавіка 2016 году перададзеная ў склад Прыгараднага сельсавету[5].
Пляніроўка
рэдагавацьАдзіная вуліца арыентавана з паўднёвага захаду на паўночны ўсход і забудавана двухбакова, няшчыльна, драўлянымі жылымі дамамі сядзібнага тыпу.
Насельніцтва
рэдагавацьКрыніцы
рэдагаваць- ^ а б в г д е Казлы // Гарады і вёскі Беларусі. Энцыкл. Т. 8. Кн. 1. — Менск, 2010. С. 125
- ^ Справочник Адресов. Белпошта.
- ^ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu) С. 70
- ^ Рапановіч, Я. Н. Слоўнік назваў населеных пунктаў Мінскай вобласці / Рэд. П. П. Шуба. — Мн.: Навука і тэхніка, 1981. — 360 с. С. 118
- ^ О некоторых вопросах административно-территориального устройства Минской области Решение Минского областного Совета депутатов от 30 марта 2016 г. № 129 (рас.)