Джэк Макбэйн
Джэк Макбэ́йн (па-ангельску: Jack McBain; нар. 6 студзеня 2000 году) — канадзкі хакеіст, нападнік клюбу «Юта» з Нацыянальнае хакейнае лігі. Браў удзел у Алімпійскіх гульнях 2022 году ў складзе нацыянальнай зборнай Канады.
| Джэк Макбэйн | ||
|---|---|---|
.jpg)
| ||
| Рост | 193 см[1] | |
| Пазыцыя | цэнтральны нападнік, нападнік | |
| Грамадзянства | ||
| Дата нараджэньня | 6 студзеня 2000[1] (24 гады) | |
| Месца нараджэньня | ||
| Клюб | Юта | |
| Выступаў за | Арызона Каётыз | |
| Гульнявая кар’ера | 2009 — цяпер | |
Кар’ера
рэдагавацьМакбэйн быў абраны клюбам «Мінэсота Ўайлд» на драфце НХЛ 2018 году ў трэцім раўндзе пад агульным 63 нумарам. Пасьля драфту чатыры сэзоны правёў, гуляючы ў дружыне Бостанскага каледжу.
Пасьля сканчэньня выступаў у турнірах сярод каледжаў хакеіст паведаміў клюбу аб нежаданьні складаньня працоўнае дамовы[2][3]. Каб не губляць гульца задарма «Ўайлд» пачаў шукаць клюбы, якія б жадалі набыць правы на спартоўца[2]. 20 сакавіка 2022 году правы на Макбэйна былі нададзеныя «Арызоне Каётыз» у абмен на выбар у другім раўндзе драфту НХЛ 2022 году[4][5]. Макбэйн склаў кантракт пачаткоўца з арызонцамі ўжо наступным днём[6]. Дэбют гульца ў НХЛ адбыўся 12 красавіка 2022 году ў матчы супраць «Нью-Джэрзі Дэвілз». Свае першыя пункты зарабіў 16 красавіка ў матчы супраць «Калгары Флэймз», калі дружына ўшчэнт была разьбітая зь лікам 9:1[7]. 29 сьнежня 2022 году Макбэйн двойчы пацэліў у браму «Таронта Мэйпл Ліфс» у пераможным матчы, які скончыўся зь лікам 6:3[8].
Неўзабаве па заканчэньні рэгулярнага сэзону 2023—2024 гадоў франшыза «Каётыз»» была прыпыненая, а актывы каманды былі перададзеныя хакейнаму клюбу «Юта». У выніку Макбэйн стаў хакеістам каманды «Юта»[9].
Крыніцы
рэдагаваць- ^ а б в г https://www.iihf.com/en/events/2024/wm/teams/roster/45147/canada — Міжнародная фэдэрацыя хакею на лёдзе.
- ^ а б «Action heating up as Wild look to deal McBain’s rights». TSN.
- ^ «What to do about Jack McBain». SB Nation.
- ^ «Report: Wild ship prospect Jack McBain to Coyotes for 2nd-rounder». theScore.com.
- ^ «Coyotes get McBain from Wild for second-round draft choice». Arizona Coyotes.
- ^ «Arizona Coyotes sign Jack McBain to two-year entry-level contract». AZ Central.
- ^ «Coyotes’ Jack McBain Picks Up First NHL Point». CBS Sports.
- ^ Magruder, Jack (30.12.2022). «Jack McBain scores two late goals, Coyotes top Maple Leafs 6-3». The Globe and Mail.
- ^ «Coyotes give fans a win in final Arizona game, fans show plenty of love». AZ Central.