Джанлюка Скамака
Джанлю́ка Скама́ка (па-італьянску: Gianluca Scamacca; нар. 1 студзеня 1999 году) — італьянскі футбаліст, нападнік клюбу «Аталянта» і нацыянальнай зборнай Італіі.
| Джанлюка Скамака | ||
.jpeg)
| ||
| Пэрсанальная інфармацыя | ||
|---|---|---|
| Нарадзіўся | 1 студзеня 1999[1] (25 гадоў) | |
| Рост | 195 см | |
| Вага | 85 кг | |
| Пазыцыя | нападнік | |
| Клюбная інфармацыя | ||
| Клюб | Аталянта | |
| Нумар | 90 | |
| Клюбы | ||
| Гады | Клюб | Гульні (галы)¹ |
| 2017—2022 2018 2018—2019 2019—2020 2020—2021 2022—2023 2023— |
Сасуолё → Крэманэзэ (арэнда) → Зволе (арэнда) → Асколі (арэнда) → Джэноа (арэнда) Ўэст Гэм Юнайтэд Аталянта |
39 (16) 14 (1) 8 (0) 33 (9) 26 (8) 16 (3) 29 (12) |
| Зборныя | ||
| 2021— | Італія | 15 (1) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец футбольных акадэміяў рымскіх клюбаў «Ляцыё» і «Ромы». Аднак, яшчэ падлеткам трапіў у Нідэрлянды, дзе навучаўся ў акадэміі эйндговэнскага клюбу ПСВ[2]. У моладзевай камандзе клюбу дэбютаваў у другім дывізіёне нідэрляндзкага чэмпіянату.
У студзені 2017 году вярнуўся на радзіму, узгодніўшы працоўную дамову з клюбам «Сасуолё» тэрмінам на чатыры з паловай гады[3]. 29 кастрычніка дэбютаваў у Сэрыі А, згуляўшы матч супраць «Напалі». У элітным дэвізіёне юнак ня даў рады, таму выправіўся на пачатку 2018 году ў арэнду ў клюб Сэрыі Б «Крэманэзэ»[4]. Сэзон 2018—2019 гадоў згуляў у Эрэдывізіі, абараняючы колеры «Зволе»[5]. Пасьля ў арэндзе правёў наступныя гады ў «Асколі» і «Джэноа». Улетку 2021 году вярнуўся ў «Сасуолё», дзе склаў выніковую троіцу з Дамэніка Бэрардзі і Джакама Распадоры. 17 кастрычніка нападнік адзначыўся дублем у браму былога клюбу «Джэноа», а агулам за сэзон улучыў 16 галоў у браму супернікаў.
Такі ўхвальны сэзон вымусіў ангельскі «Ўэст Гэм Юнайтэд» набыць гульца за 30,5 мільёнаў фунтаў. Паводле дамовы пры пэўных варунках італьянцы мусілі атрымаць яшчэ дадаткова 5 мільёнаў фунтаў. Дэбютаваў у Вялікабрытаніі 7 жніўня 2022 году ў матчы супраць «Манчэстэр Сіці»[6]. Аднак, посьпеху італьянцу бракавала, пагатоў ён яшчэ атрымаў траўму калена, якая вымагала мэдычнай апэрацыі. 7 жніўня 2023 году нападнік прыяднаўся да «Аталянты». Ужо 2 верасьня Скамака адзначыўся дублем у браму «Монцы»[7]. 11 красавіка 2024 году спрычыніўся да разгрому ангельскага «Лівэрпула» на ягоным полі ў матчы Лігі Эўропы. Гулец двойчы пацэліў мяч у браму мэрсісайдцаў, а выніковы лік 0:3, даў магчымасьць атрымаць перавагу перад другім матчам двубою.
Міжнародная
рэдагавацьДэбютаваў у складзе нацыянальнай зборнай Італіі 8 верасьня 2021 году ў адборачным матчы да чэмпіянату Эўропы 2022 году супраць зборнай Летувы. Гулец зьявіўся на пляцоўцы ў другім тайме, замяніўшы Фэдэрыка Бэрнардэскі[8]. 17 кастрычніка 2023 году ўлучыў свой першы гол за каманду ў матчы супраць зборнай Ангельшчыны, але апэнінцы зьведалі паразу ў тым матчы зь лікам 3:1.
Дасягненьні
рэдагаваць«Ўэст Гэм Юнайтэд»:
- Пераможца Ліга канфэрэнцыяў: 2023
«Аталянта»:
- Пераможца Лігі Эўропы: 2024
Крыніцы
рэдагаваць- ^ а б в Gianluca Scamacca // Transfermarkt (мн.) — 2000.
- ^ «Contract Scamacca met één seizoen verlengd». PSV.
- ^ «Scamacca terug naar Italië». PSV.
- ^ «Scamacca: Alla Cremonese mi trovo molto bene». Sky.it.
- ^ «Scamacca en Tripaldelli naar PEC Zwolle». PEC Zwolle
- ^ «Two-goal Haaland inspires Man City to Hammers win». BBC Sport.
- ^ «Atalanta 3-0 Monza: Scamacca makes impact». Football Italia.
- ^ «Italia-Lituania 5–0: Kean, Raspadori e Di Lorenzo rimettono gli azzurri sulla strada per i Mondiali». La Repubblica.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball