Генадзь Кляўко

Гена́дзь Я́каўлевіч Кляўко́ (28 лістапада 1931 (афіц. 1 траўня 1932) — 21 жніўня 1979) — беларускі паэт, перакладчык.

Генадзь Кляўко
Асабістыя зьвесткі
Нарадзіўся	28 лістапада 1931 в. Варонічы Пухавіцкага раёна Менскай вобласьці
Памёр	21 жніўня 1979 (47 гадоў) Мінск, Беларусь
Літаратурная дзейнасьць
Род дзейнасьці	паэт, перакладчык
Гады творчасьці	1950-1979
Мова	беларуская мова
Генадзь Кляўко ў Вікісховішчы

Біяграфія

Нарадзіўся ў вёсцы Варонічы Пухавіцкага раёна Менскай вобласьці ў сям’і Марыі Іванаўны (Доўгай) і Якава Сафронавіча Кляўко. Вучыўся ў Рудзенскай сярэдняй школе (скончыў у 1950 годзе), потым на філялягічным факультэце Беларускага дзяржаўнага ўнівэрсытэту (скончыў у 1955 годзе). З 1954 да 1963 гг. працаваў літаратурным рэдактарам у газэце «Калгасная праўда», з 1961—1973 гг. — літсупрацоўнікам, адказным сакратаром часопіса «Вожык», з 1973 да 1979 — намесьнікам галоўнага рэдактара літаратурнага часопіса «Полымя».

Сябра Саюза пісьменьнікаў БССР (з 1964).

Творчасьць

У рэспубліканскім друку зь вершамі выступіў у 1950 г. Аўтар зборнікаў вершаў «Абветраныя далягляды» (1962), «Сто крокаў» (1967), зборнікаў вершаў і паэм «Прыстань» (1974), «Плуг» (1978), «Падкова над парогам» (выбранае, 1979), «Вязьмо» (1984), зборнікаў гумарыстычных вершаў і мініятур «Лайдак і кнопкі» (1964), «Каб ня сурочыць» (1971), «Што праўда, то ня грэх...» (1971). Для дзяцей выдаў кніжку вершаў «Першы салют» (1964).

Перакладаў на беларускую мову творы пісьменьнікаў народаў СССР. У 1975 годзе ў ягоным перакладзе выйшаў зборнік паўднёва-асэтынскай паэзіі «Трубіць алень», у 1986 годзе выдадзены зборнік перакладу вершаў Косты Хетагурава «Асэтынская ліра».

Бібліяграфія

• Першы салют: Вершы: для сярэд.узросту / Генадзь Кляўко. Мал. М. Бельскага, — Мн.: Беларусь, 1964.
• Лайдак і кнопкі: Гумарыст. вершы / Генадзь Кляўко. — Мн.: Звязда, 1964.
• Сто крокаў: Вершы / Генадзь Кляўко. — Мн.: Беларусь, 1967.
• Каб не сурочыць: Гумарыст. вершы, фельетоны, мініяцюры / Генадзь Кляўко. — Мн.: Беларусь, 1971.
• Прыстань: Вершы і паэма / Генадзь Кляўко. — Мінск : Маст.літ., 1974.
• Плуг: Вершы і паэмы / Генадзь Кляўко. — Мн.: Маст.літ., 1978.
• Падкова над парогам: Выбраная паэзія / Генадзь Кляўко. — Мн.: Маст.літ., 1979.
• Вязьмо: Вершы, паэмы / Генадзь Кляўко. — Мн.: Маст.літ., 1984.

Літаратура

• Беларуская Савецкая Энцыкляпэдыя;
• Беларускія пісьменнікі (1917—1990): Даведнік; Склад. А. К. Гардзіцкі. Нав.рэд. А. Л. Верабей. — Мн.: Мастацкая літаратура, 1994.;

Вонкавыя спасылкі

• Вершы Генадзя Кляўко — Эл.рэсурс vershy.ru