Габрыел Мартынэльлі
Габрыел Тэадору Мартынэльлі Сылва (па-партугальску: Gabriel Teodoro Martinelli Silva; нар. 18 чэрвеня 2001 году) — бразыльскі футбаліст, нападнік ангельскага клюбу «Арсэнал» і нацыянальнай зборнай Ангельшчыны. Алімпійскі чэмпіён 2020 году.
| Габрыел Мартынэльлі | ||
| ||
| Пэрсанальная інфармацыя | ||
|---|---|---|
| Нарадзіўся | 18 чэрвеня 2001[1] (23 гады) | |
| Рост | 180 см | |
| Вага | 75 кг | |
| Пазыцыя | нападнік | |
| Клюбная інфармацыя | ||
| Клюб | Арсэнал | |
| Нумар | 11 | |
| Клюбы | ||
| Гады | Клюб | Гульні (галы)¹ |
| 2018—2019 2019— |
Ітуану Арсэнал |
17 (6) 132 (32) |
| Зборныя | ||
| 2022— | Бразылія | 13 (2) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьМартынэльлі пачынаў гуляць у футзал у акадэміі «Карынтыянсу»[2], але ў выніку пераключыўся на футбол. Прафэсійную кар’еру пачаў у клюбе «Ітуану», падпісаўшы кантракт 4 лістапада 2017 году. Дэбют гульца адбыўся ў матчы Лігі Паўлісты 17 сакавіка супраць «Сан-Бэнту». Свой першы гол забіў 8 верасьня 2018 году, улучыўшы другі мяч сваёй дружыны ў браму «Атлетыку» з Табуану-да-Сэры ў матчы Кубка Паўлісты[3]. Канчаткова замацаваўшыся ў шэрагах «Ітуану» Мартынэльлі выдатна правёў розыгрыш Лігі Паўлісты 2019 году, калі адзначыўся шасьцю галамі, стаўшы найлепшым бамбардзірам клюбу. Сам «Ітуану» дайшоў да чвэрцьфіналу.
У выніку гулец зацікавіў шэраг клюбаў, але кантракт прапанаваў бразыльцу «Арсэнал», выдаткаваўшы ў ліпені 2019 году 6 млн фунтаў стэрлінгаў[4]. Маючы італьянскі паспарт, гулец не падлягаў лімітам на ўтрыманьне паўднёваамэрыканскіх футбалістаў[5]. Гулец адразу выправіўся разам з клюбам у перадсэзонны тур у ЗША, уразіўшы трэнэрскі штаб «кананіраў». 11 жніўня 2019 году нападнік дэбютаваў за лёндацаў у матчы Прэм’ер-лігі супраць «Ньюкасл Юнайтэд», зьявіўшыся на пляцоўцы на 84-й хвіліне. У верасьні гулец адзначыўся ў Кубку футбольнай лігі, а ў кастрычніку двойчы ўлучыў мяч у браму бэльгійскага «Стандарду»[6]. Футбаліст стаў часьцей зьяўляцца ў складзе, але па вяртаньні розыгрышу зь перапынку праз пандэмію каронавірусу, быў вымушаны лекаваць сваё траўмаванае калена. Вярнуўся гулец толькі 19 сьнежня 2020 году ў матчы супраць «Эвэртану», дзе «Арсэнал» атрымаў паразу[7]. Пазьней Мартынэльлі стаў гульцом асноўнага складу дружыны.
Дасягненьні
рэдагаваць«Арсэнал»:
- Уладальнік Кубка Ангельшчыны: 2020
- Уладальнік Супэркубка Ангельшчыны: 2023
«Бразылія»:
- Чэмпіёна Алімпійскіх гульняў: 2020
Крыніцы
рэдагаваць- ^ а б в Gabriel Martinelli // https://www.olympedia.org/athletes/141234
- ^ «Ele fez mais de 200 gols na base do Corinthians, foi para o Ituano e agora é testado no United». ESPN Brasil.
- ^ «Taboão da Serra 1 × 4 Ituano — Com início avassalador, Galo vence e assume liderança». Futebol Interior.
- ^ «Gabriel Martinelli to join club». Arsenal F.C.
- ^ «Gabriel Martinelli does not rule out he could play for Italy». Tribuna.com.
- ^ Sanders, Emma. «Arsenal 4–0 Standard Liege: Gabriel Martinelli impresses in ruthless win». BBC Sport.
- ^ McNulty, Phil (19.12.2020). «Eighth Premier League defeat for Gunners this season». BBC Sport.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball