Вікшняны

Вікшня́ны — вёска ў Лаздунскім сельсавеце Івейскага раёну Гарадзенскай вобласьці.

Вікшняны лац. Vikšniany
Капліца на могілках
Краіна:	Беларусь
Вобласьць:	Гарадзенская
Раён:	Івейскі
Сельсавет:	Лаздунскі
Насельніцтва:	123 чал. (2009)
Часавы пас:	UTC+3
Тэлефонны код:
Паштовы індэкс:	231337
СААТА:	4229820031
Нумарны знак:	4
Геаграфічныя каардынаты:	53°57′49″ пн. ш. 25°55′43″ у. д.
Вікшняны на мапе Беларусі ± Вікшняны Вікшняны
Галерэя здымкаў у Вікісховішчы

Вёска знаходзіцца ў зоне радыяцыйнага кантролю.

Гісторыя

Вёска ў Лаздунскім сельсавеце. У сярэдзіне XVII стагодзьдзя вёска і маёнтак у Дудзкім старостве Ашмянскага павету Віленскага ваяводзтва. У 1690 годзе 4,3 дыма, уласнасьць К. Галімскага, лоўчага менскага. 3 1710 году належала яго сынам Аляксандру і Данілу.

У 2-й палове XIX стагодзьдзя у Юрацішкаўскай воласьці Ашмянскага павету Віленскай губэрні. У 1861 годзе 81 рэвіская душа, дзяржаўная ўласнасьць. Фальварак Вікшняны належаў Нейлам, у канцы XIX ст. Міхайлавым. У 1897 годзе 49 двароў, 309 жыхароў.

У 1921—1939 гадах у Юрацішкаўскай гміне Валожынскага павету Наваградзкага ваяводзтва Польшчы. У 1921 годзе ў вёсцы 58 двароў, 297 жыхароў, у калёніі Вікшняны 7 двароў, 41 жыхар.

3 12 кастрычніка 1940 году вёска (86 двароў, 395 жыхароў) і калёнія (17 двароў, 81 жыхар) у Бачэшніцкім сельсавеце Юрацішкаўскага раёну. Працавала пачатковая школа. 3 канца чэрвеня 1941 году да пачатку ліпеня 1944 году пад нямецкай акупацыяй.

У 1950 годзе арганізаваны калгас імя Чарняхоўскага. 3 16 ліпеня 1954 году ў Лаздунскім сельсавеце. 3 20 студзеня 1960 году ў Івейскім раёне. У 1970 годзе 393 жыхары. Дзейнічала пачатковая школа.

Насельніцтва

• 2009 год — 123 чалавек
• 1999 год — 195 чалавек, 84 двары

Інфармацыя для турыстаў

• Каталіцкая капліца на могілках
• Магілы жаўнераў Арміі Краёвай

• 
  Капліца на могілках
• 
  Магілы жаўнераў Арміі Краёвай

Вонкавыя спасылкі

• Віртуальная Івейшчына