Віктар Маркавец
Віктар Пятровіч Маркавец (5 жніўня 1947, Докшыцы — 17 верасьня 2013) — беларускі мастак, сябра Беларускага саюзу мастакоў (ад 1977 году), ляўрэат прэміі Ленінскага камсамолу Беларусі (1980). У 1971 годзе скончыў Беларускі тэатральна-мастацкі інстытут (цяпер Беларуская дзяржаўная акадэмія мастацтваў). Вучыўся ў Івана Ахрэмчыка. Працаваў у розных жанрах станковага жывапісу. Удзельнік мастацкіх выставак з 1971 году. Разам з Аляксеем Марачкіным, Уладзімерам Караткевічам, Міхасём Чарняўскім браў удзел у дысыдэнцкай групе беларускай інтэлігенцыі «На Паддашку», належаў да незалежнай суполкі мастакоў «Пагоня».
Віктар Маркавец | |
| Дата нараджэньня | 5 жніўня 1947 |
|---|---|
| Месца нараджэньня | Докшыцы |
| Дата сьмерці | 17 верасьня 2013 |
| Месца пахаваньня | |
| Месца вучобы | |
| Занятак | маляр |
| Жанры | партрэт і пэйзаж |
| Плынь | рэалізм[d] |
| Узнагароды | прэмія Ленінскага камсамолу Беларусі (1980) |
Творчасьць рэдагаваць
Маркавец рэканструяваў партрэты знаных дзеячаў беларускай гісторыі і культуры — Уладзіслава Сыракомлі, Вінцэнта Дунін-Марцінкевіча і яго дачкі Камілы, бацькоў Якуба Коласа і Янкі Купалы. Стварыў сэрыю прац, прысьвечаных Кастусю Каліноўскаму.