Брус Ўіліс

(Перанакіравана з «Брус Віліс»)

Вальтэр Брус Ўіліс або Брус Ўіліс (нар. 19 сакавіка 1955) — амэрыканскі актор, рэжысэр й пісьменьнік. Сваю дзейнасьць пачаў у тэатрах і на тэлебачаньні ў 1980-ыя гады. Найбольш вядомым посьпехам быў тады сэрыял «Сьвятло месяца» (1985—1989). Але найбольшую вядомасьць у ЗША й у сьвеце атрымала карціна «Не здавайся», дзе ён згуляў ролю Джона Маклайна. Разам з тым Б. Ўіліс згуляў у больш 60-ці карцінах. Шмат зь якіх займелі сусьветны розгалас. Сярод іх Крымінальнае чытво (1994), 12 малпаў (1995), Пяты элемэнт (1997), Армагедон (1998), Шостае пачуцьцё (1999), Незламаны (2000), Горад грахоў (2005), RED (2010) і Нястрыманыя 2 (2012).

Вальтэр Брус Ўіліс
Bruce Willis by Gage Skidmore.jpg
Імя пры нараджэньні Вальтэр Брус Ўіліс
Дата нараджэньня 19 сакавіка 1955 (65 гадоў)
Месца нараджэньня Ідар-Абэрштайн, Заходняя Нямеччына
Грамадзянства Нямеччына
Нямеччына
Альма-матэр Манклерскі дзяржаўны ўніверсітэт[d]
Занятак актор, пісьменьнік, сьпявак
Гады дзейнасьці 1980 — цяперашні час
Дзеці Румер Уіліс[d], Скаўт Уіліс[d] і Талула Уіліс[d]
Узнагароды
IMDb ID nm0000246

Б. Ўіліс быў жанаты на вядомай акторцы Дэмі Мур. Яны маюць тры дачкі, але ў 2000 годзе яны разьвяліся. Іх шлюб доўжыўся 13 гадоў. З 2009 году Б. Ўіліс ажаніўся з Эмі Гэмінк (мадэлька), зь якою мае 2 дачкі.

ПаходжаньнеРэдагаваць

Б. Ўіліс нарадзіўся 19 сакавіка 1955 году ў Ідар-Абэрштайне, фэдэральная зямля Райнлянд-Пфальц, Заходняя Нямеччына. Яго тата Дэвід Ўіліс быў амэрыканскім ваяром, што служыў у Нямеччыне. Яго матка Марлен была немкаю. У 1957 годзе пасьля звальненьня з войска тата забраў сям’ю ў ЗША, штат Нью-Джэрзі. Маці працавала ў банку, яго тата працаваў рамонтнікам аўтамабіляў. Пад час вучобы ў школе Б. Ўіліс пачаў удзельнічаць у школьных тэатральных кружках. Пасьля заканчэньня школы Б. Ўіліс пачаў працаваць ахоўнікам або сторажам АЭС у Сэйлеме. У 1980-ыя гады Б. Ўіліс пачынае спрабаваць іграць у тэатрах. Ён здымаецца ў некаторых карцінах. Адна зь іх прыносіць яму вядомасьць — «Сьвятло месяца» (1985—1989).


Пачатак кар’еры ў карцінах (1980-ыя гады)Рэдагаваць

Б. Ўіліс пакінуў Нью-Ёрк і ад’ехаў у Каліфорнію, дзе іграў у некаторых тэлевізыйных перадачах. У 1984 годзе згуляў ролю другога пляну ў кароткай дзеі ў карціне Паліцыя Маямі. У 1985 годзе кароткі выступ у карціне «Цёмны загон». Але найбольшы посьпех Б. Ўілісу прынёс сэрыял аб дэтэктыўнай службе Сьвятло месяца. Затым Б. Ўіліс здымаўся ў карцінах Блэйк Эдўардз 1987, Сьляпая сустрэча, з Кім Бэсынджэр. Найбольш вядомым для Б. Ўіліса стала карціна Не здавайся (1988), дзе згуляў Джона Маклайна. Затым меў ролі ў карцінах, якія ўжо ня мелі такога посьпеху, як Не здавайся. У канцы 1980-ых гадоў Б. Ўіліс запісаў зборнік песень.

1990-ыя гадыРэдагаваць

У 1990-ыя гады ў Б. Ўіліса спрабаваў здымацца ў працягах найбольш пасьпяховай карціны Не здавайся. Ён зьняўся ў карцінах Не здавайся 2 (1990) і Не здавайся. Помста (1995). Гэта прынесла посьпех Б. Ўілісу. У пачатку 1990-ых гадоў Б. Ўіліс здымаўся ў няўдалых карцінах, што не прыносілі вядомасьць і добры даход. У 1994 годзе ён зьняўся ў кароткай ролі ў карціне Крымінальнае чытво. У 1996 годзе граў у дзіцячых маляваных карцінах, дзе агучваў ролі. Усяго зьняўся Б. Ўіліс у розных карцінах, але большасьць было няўдалымі. Толькі адну зь іх Армагедон (1998) можна назваць посьпехам.

2000-ыя гадыРэдагаваць

 
Б. Ўіліс атрымаў узнагароду Чалавек году ў 2002

У 2000, Б. Ўіліс атрымаў узнагароду Эмі за ролю таты ў камэдыі. У гэтым жа годзе Б. Ўіліс граў у карціне «Дзевяць крокаў», дзе граў ролю Тульпана-забойцы. Штогод здымаўся. У 2007 годзе зьняўся ў працягу Не здавайся пад назваю Жыві вольным, не здавайся. Разам з тым ён удзельнічаў у розных карцінах, дзе гуляў з Арнольдам Шварцэнэгерам, Сыльвэстрам Сталонэ і г. д.

Сябры, сям’я й дзеціРэдагаваць

У канцы 1987 года Б. Ўіліс пазнаёміўся з Дэмі Мур. 21 лістапада 1987 году ён жаніўся зь ёю. Яна радзіла яму тры дачкі: Рамэр Ўіліс (нар. 16 жніўня 1988), Скаўт Лару Ўіліс (нар. 20 ліпеня 1991), Талула Бэл Ўіліс (нар. 3 лютага 1994). Пазьней 18 кастрычніка 2000 году Б. Ўіліс разьвёўся з Дэмі Мур. Потым ён меў сувязь з акторкаю Брук Бэрнз, але ў 2004 годзе яны расталіся. 21 сакавіка 2009 году ажаніўся з Эмай Гэмінк. Яна нарадзіла дзьве дачкі: Мэйбэл Рэй Ўіліс (нар. 1 красавіка 2012), Эвэлін Пэн Ўіліс (нар. 5 траўня 2014).