Беларуска-ўкраінская граніца
Белару́ска-ўкраі́нская грані́ца — дзяржаўная граніца працягласьцю каля 1084 км[1]. Пачынаецца ад патройнага сутыку з Польшчаю на захадзе і цягнецца да патройнага сутыку з Расеяй на ўсходзе.
| Міждзяржаўная граніца | |
 | |
| Граніца дзяржаваў |
.svg){kind=small} Беларусь Украіна |
|---|---|
| Час існаваньня | з 1991 |
| Працягласьць | 1084 км |
_compared_with_today%27s_borders_PL.png)
Гісторыя
рэдагавацьСучасная дзяржаўная граніца паходзіць зь верасьня 1939 году — часоў далучэньня Заходняй Беларусі да БССР і Заходняй Украіны да УССР.
Аднак граніца мае гістарычныя карані, бо прыблізна гэтаксама праходзіў падзел паміж Вялікім Княствам Літоўскім і Каралеўствам Польскім згодна зь Люблінскай уніяй. Пасьля падзелаў Рэчы Паспалітай, падобны выгляд мела мяжа паміж Гарадзенскай ды Менскай губэрнямі з аднаго боку і Валынскай ды Кіеўскай — зь іншага.
У 1-й палове 20 стагодзьдзя на захадзе падобныя межы падзялялі Палескае і Валынскае ваяводзтвы міжваеннай Польскай Рэспублікі, а на ўсходзе — савецкія рэспублікі БССР і УССР. На польскай частцы сучаснае мяжы межы супадалі з ранейшымі межамі Гарадзенскай і Менскай губэрняў з Валынскай.
Упершыню мяжа паміж савецкімі рэспублікамі была прызнаная Дамоваю паміж БССР і УССР ад 12 сьнежня 1990 году.
Статус дзяржаўнай граніцы з Украінаю нададзены пастановаю Вярхоўнага Савету Беларусі ад 11 чэрвеня 1993, але маецца міжнародная дамова паміж Беларусьсю і Ўкраінаю, у якой яны наўзаем прызнаюць былыя межы БССР і УССР, прызнаныя ў 1990.
На сёньняшні дзень дзяржаўная граніца рэгулюецца Дамоваю паміж Беларусьсю і Ўкраінаю аб сяброўстве, дабрасуседзтве і супрацоўніцтве ад 17 чэрвеня 1995. Дамова аб Дзяржаўнай граніцы паміж Беларусьсю і Ўкраінаю ад 12 траўня 1997 у той самы год была ратыфікаваная Вярхоўнай Радаю Ўкраіны, аднак да сёньня не ратыфікаваная Нацыянальным Сходам РБ[1].
Пытаньне ратыфікацыі Дамовы было разгледжанае на вясновай сэсіі Нацыянальнага Сходу якая пачне працу 2 красавіка 2010 году[2][3]. Паводле старшыні Дзяржаўнага пагранічнага камітэту Беларусі Ігара Рачкоўскага працягласьць працы па дэмаркацыі граніцы можа працягвацца да 10 гадоў і патрабуе Br51 млрд[4].
Падчас візыту ў Менск цяперашняга прэзыдэнта Ўкраіны Пятра Парашэнкі 26 жніўня 2014 году прэзыдэнт Украіны заявіў аб гатоўнасьці паскарэньня працэсу дэмаркацыі мяжы зь Беларусьсю[5].
Крыніцы
рэдагаваць- ^ а б Государственная территория и государственная граница Республики Беларусь
- ^ Депутаты рассмотрят договор о белорусско-украинской границе // Interfax, 5.01.2010
- ^ Вопрос по ратификации Договора о белорусско-украинской границе может быть решен в ближайшее время — посол Украины // Interfax, 04.11.2009
- ^ Кацярына Нячаева (19 студзеня 2010) Для дэмаркацыі беларуска-ўкраінскай граніцы спатрэбіцца да дзесяці гадоў Палітыка. Беларускае тэлеграфнае агенцтва. Праверана 4 красавіка 2011 г.
- ^ Порошенко: Ключова позиція сьогодні — це мир на Донбасі // Hromadske.tv. — 2014.