Аўген Калубовіч
Аўген Калубовіч (Каханоўскі) (5 сакавіка 1910, Ціхінічы Рагачоўскага павету — 25 траўня 1987, ЗША) — беларускі гісторык, палітычны дзеяч, настаўнік.
Аўген Калубовіч | |
| Род дзейнасьці | гісторык, палітычны дзеяч, настаўнік |
|---|---|
| Дата нараджэньня | 5 сакавіка 1912 |
| Месца нараджэньня | Ціхінічы, Рагачоўскі павет |
| Дата сьмерці | 25 траўня 1987 |
| Месца сьмерці | ЗША |
| Месца пахаваньня | |
| Месца вучобы | |
| Занятак | пісьменьнік |
| Месца працы | |
БіяграфіяРэдагаваць
Нарадзіўся ў мястэчку Ціхінічы Рагачоўскага павету, бацька быў службоўцам. Меў брата й тры сястры. Скончыў пачатковую школу ў сваім мястэчку, сямігодку ў Рэчыцы, а ў 1930 годзе пэдтэхнікум у сяле Бабчын Хвойніцкага раёну. Арыштаваны 30 траўня 1930 году за прыналежнасць да тайнай моладзевай "Беларускай Арганізацыі Альтруістых". У 1930 годзе арыштаваны савецкімі ўладамі, прыгавораны да 3 гадоў лягераў. У 1933 вярнуўся ў БССР. Настаўнічаў у Хойніцкім раёне; быў звольнены, адноўлены на рабоце з дапамогай А. Чарвякова. У 1934—1935 гг. выкладаў беларускую мову і літаратуру ў Менску. У 1939 скончыў Менскі пэдагагічны інстытут, працаваў кансультантам-мэтадыстам Наркамасьветы БССР. З пачаткам Вялікай Айчыннай вайны мабілізаваны ў армію; трапіў пад Масквой у акружэньне; вярнуўся ў Менск. Актыўна ўдзельнічаў у беларускім палітычным і культурным руху падчас нямецкай акупацыі, кіраваў Адзьдзелам культуры Беларускай Цэнтральнай Рады. У лютым 1944 узначаліў Беларускае культурнае згуртаваньне.
З 1948 па 1953 гг. узначальваў Урад БНР у выгнаньні.
ТворчасьцьРэдагаваць
Дасьледваў гісторыю Беларусі XX ст. Аўтар працаў «Мова ў гісторыі беларускага пісьменства», «Айцы БССР і іхны лёс», збору ўспамінаў «На крыжавой дарозе».
ЛітаратураРэдагаваць
- «Калубовіч (Каханоўскі) Аўген». Энцыклапедыя гісторыі Беларусі. У 6 т. Т. 4: Кадэты — Ляшчэня / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Менск: БелЭн, 1997. — 432 с.: іл. ISBN 985-11-0041-2. — С. 36.
- «Калубовіч (Каханоўскі) Аўген». Беларуская энцыклапедыя: У 18 т. Т. 7: Застаўка — Кантата / Рэдкал.: Г.П. Пашкоў і інш. — Менск: БелЭн, 1998. — 604 с.: іл. ISBN 985-11-0130-3 — С. 482.
- Леанід Маракоў. «Аўген Калубовіч». // «Біяграфіі». — Менск: 2012.