Артур Цішко
Артур Цішко (нар. 30 ліпеня 1995 году) — беларускі футбаліст, абаронца «Смаргоні».
| Артур Цішко | ||
| Пэрсанальная інфармацыя | ||
|---|---|---|
| Нарадзіўся | 19 студзеня 1996[1] (28 гадоў) | |
| Рост | 175 см[2] | |
| Вага | 62 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Смаргонь | |
| Нумар | 78 | |
| Клюбы | ||
| Гады | Клюб | Гульні (галы)¹ |
| 2016 | Смалявічы | 17 (0) |
| 2017 | Нёман-Агра Стоўпцы | 13 (2) |
| 2017 | Мікашэвічы | 14 (0) |
| 2018 | Смаргонь | 12 (3) |
| 2019 | Нафтан | 0 (0) |
| 2019 | → Слонім-2017 | 22 (3) |
| 2020 | Мікашэвічы | 11 (2) |
| 2020 | Слонім-2017 | 13 (1) |
| 2021 | Баранавічы | 29 (6) |
| 2022 | Хваля | 19 (2) |
| 2023 | Жодзін-Паўднёвы | 22 (0) |
| 2024— | Смаргонь | 19 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец сталічнага МТЗ-РІПА, але пазьней трапіў у структуру барысаўскага БАТЭ. У Барысаве браў удзел у розыгрышы групавога этапу юнацкай Лігі УЭФА. У 2015 годзе пачаў абараняць колеры барысаўскага дублю. На наступны год БАТЭ склаў дамову аб супрацы з «Смалявічамі», якія сталіся фарм-клюбам БАТЭ. У выніку гулец быў выпраўлены ў смалявіцкую каманду з мэтай атрыманьня досьведу. Дэбютаваў у Першай лізе 16 красавіка 2016 году ў матчы супраць менскага «Тарпэда». Звычайна быў гульцом ратацыі, зьяўляючыся на гульнявую пляуцоўку на зьмену партнэрам.
На пачатку 2017 году вольным агентам далучыўся да стаўпецкага «Нёман-Агра», у кашулі якога дэбютаваў 9 красавіка 2017 году ў матчы супраць «Баранавічаў». Першым сваім голам адзначыўся праз 20 дзён у сустрэчы зь «Лідай». Цішко хутка замацаваўся ў складзе каманды, аднак ужо ўлетку зышоў з каманды. У жніўні прыяднаўся да «Граніта», склаўшы працоўную дамову да заканчэньня сэзону. У Мікашэвічах таксама быў гульцом першай адзінаццатцы. Сэзон 2018 году пачаў у складзе «Смаргоні», замацаваўшыся ў складзе, але ўлетку далучыўся да сталічнага «Тарпэда», за які, аднак, не згуляў.
Да сэзону 2019 году абаронца рыхтаваўся з наваполацкім «Нафтанам», але ў выніку ўзгодніў кантракт з «Слонімам-2017». Праз год гулец вярнуўся ў «Граніт», але цягам сэзону зноў прыяднаўся да слонімскага клюбу[3]. У абодвух клюбах футбаліст быў ключавых футбалістам складу. Па заканчэньні сэзону, гулец перайшоў у «Баранавічы»[4], зь якім быў зьвязаны кантрактам да сканчэньня 2021 году. 2 кастрычніка адзначыўся дублем у браму свайго былога клюбу з Слоніму. У студзені 2022 года футбаліст праходзіў прагляд у бабруйскай «Белшыне»[5], а ўжо празь месяц далучыўся да пінскай «Хвалі», падпісаўшы аднагадовы кантракт[6]. Гулец ня здолеў замацавацца ў клюбе, выходзячы пераважна на замены. У сакавіку 2023 году прыяднаўся да клюбу «Жодзін-Паўднёвы», у складзе якога дэбютаваў 1 красавіка ў матчы супраць «Хвалі». Хутка замацаваўшыся ў складзе, Цішко адгуляў 22 сустрэчы ў кашулі жодзінскай дружыны. Перад пачаткам новага сэзону клюб быў ліквідаваны, у выніку чаго абаронца апынуўся ў складзе «Смаргоні»[7]. Свой дэбютны матч у Найвышэйшай лізе згуляў 16 сакавіка 2024 году супраць менскага «Дынама». Гулец зьявіўся ў пачатковым складзе, а смаргонскі клюб ўшчэнт быў перагуляны зь лікам 5:0.
Крыніцы
рэдагаваць- ^ а б в г д Artur Tishko // Transfermarkt (мн.) — 2000.
- ^ а б в г https://pressball.by/players/football/1181/
- ^ Тишко сменил «Гранит» на «Слоним-2017» (рас.) Football.by.
- ^ Тишко стал игроком «Барановичей» (рас.) Football.by.
- ^ Артур Тишко тренируется в составе «Белшины» (рас.) Football.by.
- ^ Артур Тишко подписал контракт с «Волной» (рас.) Football.by.
- ^ Со «Сморгонью» тренируются Артур Сагитов, Артур Тишко, защитник из казахстанского Д2 и еще ряд игроков. (рас.) Football.by.
Вонкавыя спасылкі
рэдагаваць- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway