Анджэй Сапкоўскі

	Анджэй Сапкоўскі
	Andrzej Sapkowski
	Анджэй Сапкоўскі (2015)
Асабістыя зьвесткі
Нарадзіўся	21 чэрвеня 1948 (76 гадоў); Лодзь, Лодзінскае ваяводзтва[d], Польская Народная Рэспубліка;
Літаратурная дзейнасьць
Род дзейнасьці	празаік, публіцыст
Гады творчасьці	1986 — дагэтуль
Жанр	фэнтэзі; літаратурная крытыка
Мова	польская мова і ангельская мова
Дэбют	«Вядзьмар»
Значныя творы	Сага пра Ведзьмара; Гусіцкая трылёгія;
Узнагароды	Ignotus Award for Best Anthology[d] (2003) Пашпарт Палітыкі[d] (1997) ганаровы грамадзянін Лодзі[d] (2008) Janusz A. Zajdel Award[d] (1990) Sphinx Award[d] (1995) Прэмія места Лодзі[d] (2004) Сусьветная прэмія фэнтэзі[d] (2016) David Gemmell Legend Awards[d] (2009) Sphinx Award[d] (1997) Sphinx Award[d] (1998) Sphinx Award[d] (2000) Sphinx Award[d] (2005) Sphinx Award[d] (2007) Janusz A. Zajdel Award[d] (1992) Janusz A. Zajdel Award[d] (1993) Janusz A. Zajdel Award[d] (1994) Janusz A. Zajdel Award[d] (2002) Tähtifantasia Award[d] (2012) FantLab's Book of the Year Award[d] (2011) прэмія „Ігнотус“[d] (2003)
Подпіс
	Анджэй Сапкоўскі ў Вікісховішчы
	http://sapkowski.pl/

А́нджэй Сапко́ўскі (па-польску: Andrzej Sapkowski; нар. 21 чэрвеня 1948, Лодзь, Польшча) — польскі пісьменьнік у стылі фэнтэзі. Найбольш перакладаны польскі фантаст пасьля Станіслава Лема^[5].

Біяграфія

Анджэй Сапкоўскі нарадзіўся ў Лодзі. Ён скончыў факультэт зьнешняга гандлю Лодзкага ўнівэрсытэту. Працаваў па спэцыяльнасьці ў зьнешнегандлёвай фірме «Skórimpex».

Літаратурную кар’еру пачынаў як перакладнік апавяданьняў для польскага часопіса «Фантастыка». Першае сваё апавяданьне з цыклю «Вядзьмар» (Wiedzmin) (дзякуючы якому і набыў вядомасьць) надрукаваў там жа ў 1986 годзе. У 1992 і 1993 гадах выйшлі першыя зборнікі апавяданьняў «Апошняе жаданьне» і «Меч прызначэньня».

Апроч «Сагі пра Ведзьмара» Сапкоўскі выдаў такія творы, як эсэ «Сьвет караля Артура» дзе аўтар спрабуе разабрацца з прычынамі папулярнасьці легенды на працягу яе існаваньня да нашага часу ўключна; апавяданьне «Maladie» — аўтарскую варыяцыю на легенду пра Трышчана і Ізольду; раманы з цыклю пра Райнмара зь Белявы («Гусіцкая трылёгія»). Быў напісаны шэраг крытычных артыкулаў пра фэнтэзі.

Кнігі Сапкоўскага былі перакладзеныя на ангельскую, гішпанскую, летувіскую, нямецкую, расейскую, славацкую, чэскую, францускую ды іншыя мовы.

Сябра Саюзу польскіх пісьменьнікаў.

Прэміі і ўзнагароды

Анджэй Сапкоўскі з прэмія імя Януша Зайдля (2003)

Анджэй Сапкоўскі 5 разоў атрымліваў узнагароду імя Януша Зайдэля (Nagroda im. Janusza A. Zajdla) (польская літаратурная ўзнагарода за дасягненьні ў галіне фантастыкі). Узнагароджаны ў 1997 годзе «Пашпартам Палітыкі» (Paszport Polityki) — штогадовай узнагародай, якая выдаецца дзеячам культуры польскім штотыднёвікам «Палітыка».

У 2016 року атрымаў Сусьветную прэмію фэнтэзі за пажыцьцёвы ўнёсак^[6].

Ганаровы грамадзянін Лодзі (2008).

Творчасьць

Зборнікі апавяданьняў

1990 — Wiedźmin
1993 — Ostatnie życzenie
1993 — Miecz przeznaczenia
2000 — Coś się kończy, coś się zaczyna
2002 — Opowieści o wiedźminie, том 1
2002 — Opowieści o wiedźminie, том 2
2012 — Maladie i inne opowiadania

Раманы

Сага пра ведзьмака

1994 — Krew elfow (Кроў эльфаў)
1995 — Czas pogardy (Час пагарды)
1996 — Chrzest ognia (Хрост агню)
1997 — Wieza Jaskolki (Вежа Ластаўкі)
1999 — Pani Jeziora (Пані возера)

Гусіцкая трылёгія

2002 — Narrenturm
2004 — Boży bojownicy
2006 — Lux perpetua

Іншыя кнігі

1995 — Oko Yrrhedesa
1995 — Świat króla Artura. Maladie.
2001 — Rękopis znaleziony w Smoczej Jaskini
2005 — Historia i fantastyka (2005)

Пераклады на беларускую мову

Раманы

Сапкоўскі, А. Зерне праўды; пер. з пол. Аляксандр Сакалоў // Далягляды, 1992: замежная літаратура. / [рэдкалегія: А. Гардзіцкі (укладальнік), А. Вярцінскі (галоўны рэдактар) і інш.] — Мінск: Мастацкая літаратура, 1992. — 278 с.
Вядзьмар. Апошняе жаданне / Анджэй Сапкоўскі; пер. з пол. К. С. Маціеўскай. — Мінск: А. М. Янушкевіч, 2019. — 344 с.: іл. ISBN 978-985-7210-26-8
Вядзьмар. Меч наканавання / Анджэй Сапкоўскі; пер. з пол. К. С. Маціеўскай. — Мінск : А. М. Янушкевіч, 2020. — 416 с. : іл. ISBN 978-985-7210-62-6.
Вядзьмар. Кроў эльфаў / Анджэй Сапкоўскі; пер. з пол. Кацярыны Маціеўскай. — Мінск : А. М. Янушкевіч, 2021. — 368 с. : іл. ISBN 978-985-7210-97-8.
Вядзьмар. Час ганьбы / Анджэй Сапкоўскі; пер. з пол. Кацярыны Маціеўскай. — 2024. — 392 с. ISBN 978-839-7029-23-1.

Апавяданьні

Варонка (пер. Юльян Гайдук) // 20 польскіх апавяданьняў, Менск, 2007, выдавецтва Логвінава
Пагодны ранак залаты (пер. Мікола Раманоўскі) // 20 польскіх апавяданьняў, Менск, 2007, выдавецтва Логвінава

Адаптацыі

У 1993—1995 роках выйшлі 6 кніг коміксаў пра Ведзьмара.

У 2001 року па творчасьці Анджэя Сапкоўскага быў зьняты польскі 13-сэрыйны тэлесэрыял «Вядзьмар». На ягонай аснове ў 2002 годзе быў зьняты фільм «Вядзьмар», які, паводле думак крытыкаў (а ў тым ліку і самога аўтара), цалкам праваліўся.

Варшаўская студыя CD Project выдала сэрыю кампутарных ролевых гульняў «Вядзьмак» (2007), «Вядзьмак 2: Забойцы каралёў» (2011) і «Вядзьмак 3: Дзікае паляваньне» (2015).

Сям’я

Жанаты. У першым шлюбе меў сына Крыштафа (1972—2019).

Крыніцы

^ Andrzej Sapkowski // Інтэрнэт-база зьвестак фантастыкі (анг.) — 1995.
^ Andrzej Sapkowski // BD Gest' (фр.)
^ Andrzej Sapkowski // Энцыкляпэдыя Бракгаўза (ням.)
^ Sapkowski, Andrzej // CONOR.SI
^ Sapkowski potwierdza: Powstanie nowy «Wiedźmin»! (пол.) Kultura. Interia fakty (11 траўня 2012). Праверана 26 ліпеня 2019 г.
^ World Fantasy Awards 2016 (анг.) science fiction awards database Праверана 26 ліпеня 2019 г.

Вонкавыя спасылкі

[_76a50eb818eef5e4-1] Andrzej Sapkowski // Інтэрнэт-база зьвестак фантастыкі (анг.) — 1995.

[_9f9dd9dfd8003ab0-2] Andrzej Sapkowski // BD Gest' (фр.)

[_49313b955a5ec616-3] Andrzej Sapkowski // Энцыкляпэдыя Бракгаўза (ням.)

[_764b8c91b442e366-4] Sapkowski, Andrzej // CONOR.SI

[5] Sapkowski potwierdza: Powstanie nowy «Wiedźmin»! (пол.) Kultura. Interia fakty (11 траўня 2012). Праверана 26 ліпеня 2019 г.

[6] World Fantasy Awards 2016 (анг.) science fiction awards database Праверана 26 ліпеня 2019 г.

[5]

[1]

[2]

[3]

[4]

[6]