Анатоль Белы

Анатоль Яўхімавіч Белы
	Анатоль Яўхімавіч Белы
Дата нараджэньня	10 сьнежня 1939
Месца нараджэньня	Старыя Дарогі, Менская вобласьць
Дата сьмерці	15 лістапада 2011 (71 год)
Месца сьмерці	Менск, Беларусь;
Месца пахаваньня	Старыя Дарогі;
Месца вучобы	БДУ;
Занятак	гісторык, калекцыянэр мастацтва
Сябра ў	Беларускі саюз мастакоў і Саюз беларускіх пісьменьнікаў

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Белы (неадназначнасьць).

Анатоль Яўхімавіч Белы (10 сьнежня 1939, Старыя Дарогі, Менская вобласьць — 15 лістапада 2011, Менск) — беларускі грамадзка-культурны дзяяч, навуковец, калекцыянер, стваральнік прыватнага мастацкага музэю ў Старых Дарогах.

Біяграфія

Працаваў на самалёце Ан-2 у якуцкім авіяатрадзе ў ЯАССР. Вучыўся ў Якуцкім дзяржаўным унівэрсытэце ў г. Якуцку.^[1] Скончыў Беларускі дзяржаўны ўнівэрсытэт у 1967 годзе. Старшыня грамадзка-асьветніцкага клюбу «Спадчына» (1984). Сумесна зь сябрамі клюбу «Спадчына» ў 1985 годзе выступіў ініцыятарам звароту ў ЦК КПБ, Саўмін БССР і ВС БССР аб ушанаваньні 125-х угодкаў студзеньскага паўстаньня 1863 году пад кіраўніцтвам Кастуся Каліноўскага. Адзін з прадстаўнікоў творчай інтэлігенцыі, якія падпісалі ліст ў ЦК КПСС аб стане беларускай мовы і культуры ў Беларусі. З 1995 году выкладаў у БДУ. Сябар Саюзу мастакоў Беларусі (1995), Саюзу беларускіх пісьменьнікаў (1999). Адзін з заснавальнікаў таварыства «Бацькаўшчына». Адзін з заснавальнікаў і Ганаровы сябар рэдкалегіі беларуска-амэрыканскага часопіса «Полацак» (1991, Кліўлэнд, ЗША).

Сабраў вялікую калекцыю твораў жывапісу, графікі, мэдальернага і дэкаратыўнага мастацтва (каля 3000 адзінак). Арганізатар тэматычных выставаў. Частку сабраных твораў перадаў ВНУ, дзяржаўным музэям. На аснове сваёй калекцыі ў 1990 годзе заснаваў, а 11 сьнежня 1999 году адкрыў на сваёй сядзібе ў горадзе Старыя Дарогі прыватны музэй выяўленчага мастацтва. Выдаў больш за 150 артыкулаў пра беларускае мастацтва і яго гісторыю.

За ўдзел у палітычных акцыях быў неаднаразова арыштаваны, звольнены з працы выкладчыка БДУ.

Крыніцы

^ Прыняты ў саюз пісьменнікаў… Белы Анатоль Яўхімавіч. // Літаратура і мастацтва. 26 чэрвеня 1998. С. 4. — прынамсі там паведамляецца, што ён скончыў ЯДУ у 1967 г.

Вонкавыя спасылкі

Анатоль Белы. Адраджэнцы Беларусі
Дзівак, на якім трымаецца «Спадчына» Рыгор Шыбека, Наша Ніва 3 студзеня 2010
Музэй ў Старых дарогах на Радзіма.орг
Беларусь — мой музэй, фільм «Белсату»

[1] Прыняты ў саюз пісьменнікаў… Белы Анатоль Яўхімавіч. // Літаратура і мастацтва. 26 чэрвеня 1998. С. 4. — прынамсі там паведамляецца, што ён скончыў ЯДУ у 1967 г.

[1]