Аляксандар Кучараў

беларускі футбаліст

Аляксандар Кучараў (нарадзіўся 22 студзеня 1995 году) — беларускі футбаліст, паўабаронца «Воршы».

Аляксандар Кучараў
Пэрсанальная інфармацыя
Нарадзіўся 22 студзеня 1995(1995-01-22)[1][2] (29 гадоў)
Рост 177 см
Вага 65 кг[3]
Пазыцыя паўабаронца
Клюбная інфармацыя
Клюб Ворша
Нумар 14
Клюбы
Гады Клюб Гульні (галы)¹
2014—2015 Дынама Менск 1 (0)
2015 Бяроза-2010 12 (1)
2016 Ворша 14 (5)
2016 Віцебск 1 (0)
2017 Тарпэда Менск 15 (1)
2018 Хімік 17 (2)
2019 Ворша 28 (6)
2020—2022 Нафтан 64 (9)
2023 Ворша 14 (0)
2023 Ворша-ФСК[d] 3 (2)
2024—4 Ворша 8 (1)
Зборныя
2013 Беларусь (да 19)[d] 3 (0)
2014 Беларусь (да 21) 2 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
16 чэрвеня 2024.

Кар’ера

рэдагаваць

Выхаванец пастаўскай акадэміі ПМЦ. У 2011 годзе далучыўся да менскага «Дынама», дзе пачаў выступаць за клюбны дубль. Ужо на наступны сэзон трывала замацаваўся ў рэзэрвовай камандзе.

Перад сэзонам 2015 году быў пераведзены ў першую каманду дынамаўцаў, разам зь якой выпраўвіўся на перадсэзонныя зборы ў Турэччыну. 4 траўня 2015 году дэбютаваў у Найвышэйшай лізе, выйшаўшы на замену на 82-й хвіліне матчу супраць «Тарпэда-БелАЗ» (4:0), аднак больш у сэзоне не зьяўляўся ў складзе асноўнай каманды, выступаючы за дубль. 22 ліпеня 2015 году быў выпраўлены ў арэнду ў «Бярозу-2010»[4], дзе перадусім выходзіў на замену ў канцы матчаў.

У студзені 2016 году, пакінуўшы «Дынама», перайшоў у «Віцебск»[5]. У складзе «Віцебску» таксама гуляў пераважна за дубль. У ліпені 2016 году на правах арэнды далучыўся да «Воршы»[6], дзе стаў гульцом асноўнага складу. У 14 матчах забіў 5 галоў. Па заканчэньні сэзону вярнуўся ў «Віцебск»[7]. Разам зь віцебскай камандай пачынаў падрыхтоўку да сэзону 2017 году, але ў сакавіку кантракт з паўабаронцам быў скасаваны[8].

Пасьля зыходу зь «Віцебску» далучыўся да менскага «Тарпэда», зь якім у выніку склаў дамову тэрмінам на тры гады[9]. У сэзоне 2017 году пераважна толькі выходзіў на замену. У сьнежні 2017 году паводле пагадненьня бакоў пакінуў «Тарпэда»[10]. У пачатку 2018 году праходзіў прагляд у наваполацкім «Нафтане», аднак сэзон 2018 году пачаў у складзе шацілавіцкага «Хіміка». У лютым 2019 году зноў стаў гульцом «Воршы»[11], дзе замацаваўся ў якасьці аднаго з асноўных гульцоў. У студзені 2020 году папоўніў склад «Нафтану»[12]. Рэгулярна гуляў за каманду, чаргуючы выхады ў пачатковым складзе і на замену.

У лютым 2023 году чарговы раз прыяднаўся да «Воршы»[13]. Пакінуў клюб у ліпені 2023 году[14]. З жніўня 2023 году пачаў выступаць за каманду «Ворша-ФСК» у Другой лізе, а ў пачатку 2024 году вярнуўся ў «Воршу»[15].

Міжнародная

рэдагаваць

Выступаў за юнацкія зборныя да 17 і 19 гадоў. 13 жніўня 2014 году дэбютаваў у моладзевай зборнай Беларусі ў таварыскім матчы супраць зборнай Малдовы. Усяго правёў за зборную два матчы ў 2014 годзе.

Статыстыка

рэдагаваць
Клюб Сэзон Чэмпіянат
Дывізіён Матчы Галы
Дынама Менск 2015 Найвышэйшая ліга 1 0
Бяроза-2010 Першая ліга 12 1
Віцебск 2016 Найвышэйшая ліга 1 0
Ворша Першая ліга 14 5
Тарпэда Менск 2017 Першая ліга 15 1
Хімік 2018 Першая ліга 17 2
  1. ^ а б в Aleksandr Kucherov // Transfermarkt (мн.) — 2000.
  2. ^ а б в Aleksandr Kucherov // As (гішп.)Madrid: Grupo Prisa, 1967. — ISSN 1888-6671
  3. ^ а б https://www.pressball.by/footballstat/aleksandr_kucherov/
  4. ^ Кучеров на правах аренды перешел из минского «Динамо» в «Березу-2010» (рас.)
  5. ^ Александр Кучеров сменил минское "Динамо" на "Витебск" (рас.)
  6. ^ Кучеров и Волков перешли в «Оршу» (рас.)
  7. ^ Гущенко, Вергейчик, Соловей и еще 10 игроков продлили соглашения с «Витебском», Мараховский и Шевчук покидают команду (рас.)
  8. ^ Команда отправилась на сбор в Турцию (ОБНОВЛЕНО) (рас.) Афіцыйны сайт «Віцебска» Архіўная копія ад 2017-03-11 г.
  9. ^ Александр Кучеров подписал трехлетний контракт с минским "Торпедо" (рас.)
  10. ^ Минское "Торпедо" рассталось с Кучеровым (рас.)
  11. ^ Пять человек подписали контракты с "Оршей" (рас.)
  12. ^ Кучеров сменил "Оршу" на "Нафтан" (рас.)
  13. ^ Шесть игроков продлили контракт с "Оршей", игроком команды также стал Кучеров (рас.)
  14. ^ "Орша" рассталась с полузащитником Кучеровым (рас.)
  15. ^ "Орша" Булыги и Тамело, "Барановичи" Высоцкого, "Макслайн" Гольмака (рас.)

Вонкавыя спасылкі

рэдагаваць