Дзьмітры Ліхтаровіч
Дзьмітры Ліхтаровіч (нар. 1 сакавіка 1978 году, Магілёў, БССР) — беларускі футбаліст, паўабаронца. Майстар спорту міжнароднай клясы. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў. Ёсьць дванаццаціразовым чэмпіёнам Беларусі, што зьяўляецца рэкорднай колькасьцю чэмпіёнскіх тытулаў.
| Дзьмітры Ліхтаровіч | ||
| Пэрсанальная інфармацыя | ||
|---|---|---|
| Нарадзіўся | 1 сакавіка 1978[1][2] (46 гадоў) | |
| Рост | 180 см | |
| Вага | 78 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 1994—2001 | Дняпро Магілёў | 183 (12) |
| 2001—2015 | БАТЭ | 288 (6) |
| Зборныя | ||
| 1995 | Беларусь (да 18)[d] | 2 (0) |
| 1998—1999 | Беларусь (да 21) | 11 (0) |
| 2001 | Беларусь | 2 (0) |
Кар’ера
рэдагавацьКлюбная
рэдагавацьВыхаванец магілёўскага футболу, доўгі час гуляў за мясцовы «Дняпро-Трансмаш», у складзе якога стаў чэмпіёнам краіны ў 1998 годзе. У 2001 перайшоў у барысаўскі БАТЭ, за які бесьперапынна гуляў з таго часу. У 2009 годзе стаў капітанам каманды. 1 кастрычніка 2009 году забіў першы гол беларускіх клюбаў у групавым этапе Лігі Эўропы, улучыўшы мяч у браму ангельскага «Эвэртану».
Пачынаючы з 2011 году пачаў радзей зьяўляцца на полі, вельмі рэдка праводзіў усе 90 хвілінаў. Тым ня менш, працягваў быць капітанам каманды. У студзені 2013 году падоўжыў кантракт з БАТЭ[3], а ў студзені 2015 году стала вядома, што Дзьмітры застанецца ў камандзе і ў сэзоне 2015 году[4], пасьля якога завяршыў кар’еру[5]. У студзені 2016 году ўвайшоў у трэнэрскі штаб дублёраў БАТЭ[6].
Міжнародная
рэдагавацьУ 2007 годзе правёў сваю адзіную гульню ў складзе нацыянальнай зборнай Беларусі супраць зборнай Ірану.
Трэнэрская праца
рэдагавацьНеўзабаве пасьля завяршэньня кар’еры быў прызначаны асыстэнтам галоўнага трэнэра дублюючага складу БАТЭ Ігара Чумачэнкі[7], працаваў у дублі на працягу чатырох гадоў. У студзені 2020 году ўвайшоў у трэнэрскі штаб Кірыла Альшэўскага ў асноўнай камандзе барысаўчанаў[8]. З студзеня 2021 году вярнуўся ў трэнэрскі штаб дубля. У студзені 2023 году зноў быў прызначаны памочнікам Альшэўскага ў асноўнай камандзе[9]. Застаўся ў трэнэрскім штабе асноўнай каманды і па прызначэньні ў студзені 2024 году новым галоўным трэнэрам Ігара Крывушэнкі[10].
Узнагароды
рэдагаваць- Чэмпіён Беларусі: 1998, 2002, 2006, 2007, 2008, 2009, 2010, 2011, 2012, 2013, 2014, 2015
- Уладальнік Кубка Беларусі: 2006, 2010, 2015
- Уладальнік Супэркубка Беларусі: 2014
- Срэбраны прызэр чэмпіянату Беларусі: 2003, 2004
- Найлепшы футбаліст чэмпіянату Беларусі: 2002
- У сьпісе 22 найлепшых футбалістаў чэмпіянату: 1999, 2000, 2002, 2003, 2006, 2007, 2008, 2009, 2010, 2011
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| БАТЭ | 2015 | Найвышэйшая ліга | 4 | 0 |
Крыніцы
рэдагаваць- ^ а б в Dmitri Likhtarovich // Transfermarkt (мн.) — 2000.
- ^ а б в Dzmitry Likhtarovich // FBref (мн.)
- ^ Дмитрий Лихтарович продлил контракт с БАТЭ (рас.)
- ^ Дмитрий Лихтарович продлил соглашение с БАТЭ (рас.)
- ^ Дмитрий Лихтарович завершил игровую карьеру (рас.)
- ^ Дубль БАТЭ возглавил Игорь Чумаченко. Ассистировать ему будет Дмитрий Лихтарович (рас.)
- ^ Чумаченко возглавил дубль БАТЭ, Лихтарович стал ассистентом (рас.)
- ^ Альшевский назвал имена специалистов, которые войдут в тренерский штаб БАТЭ (рас.) Архіўная копія ад 26 студзеня 2024 г.
- ^ Александр Лисовский и Игорь Рожков вошли в тренерский штаб БАТЭ (рас.)
- ^ Игорь Криушенко спустя 16 лет вновь возглавил БАТЭ (рас.)
Вонкавыя спасылкі
рэдагаваць- ФК БАТЭ: Лихтарович Дмитрий (рас.)
- Статыстыка «ПБ-Инфо» (рас.)