Ігар Малашчыцкі
І́гар Малашчы́цкі (нар. 6 чэрвеня 2002 году) — беларускі футбаліст, брамнік салігорскага «Шахцёра».
| Ігар Малашчыцкі | ||
| Пэрсанальная інфармацыя | ||
|---|---|---|
| Нарадзіўся | 6 чэрвеня 2002[1] (22 гады) | |
| Пазыцыя | брамнік | |
| Клюбная інфармацыя | ||
| Клюб | Шахцёр Салігорск | |
| Нумар | 35 | |
| Клюбы | ||
| Гады | Клюб | Гульні (галы)¹ |
| 2021— | Шахцёр Салігорск | 4 (0) |
| 2021 | → Шахцёр Петрыкаў | 1 (0) |
| 2022 | → Арсэнал Койданаў | 0 (0) |
| 2022 | → Шахцёр Петрыкаў | 3 (0) |
| 2024— | → Шахцёр Петрыкаў | 5 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец акадэміі салігорскага «Шахцёра». У пачатку 2018 году далучыўся да дублюючага складу каманды, а з наступнага году часам трапляў у заўякі асноўнай каманды. У 2020 годзе двойчы згуляў у складзе каманды ў Найвышэйшай лізе. У жніўні 2021 году дзеля здабыцьця гульнявога досьведу быў выпраўлены ў арэнду ў петрыкаўскі «Шахцёр»[2]. Свой дэбютны матч у розыгрышы Першай лігі згуляў 21 лістапада 2021 году супраць «Слоніму-2017». У лютым 2022 году гулец на правах арэнднага пагадненьня прыяднаўся да койданаўскага «Арсэналу», аднак першую палову сэзону на пляцоўцы не зьяўляўся. У выніку брамнік быў адкліканы з арэнды і зноў накіраваны ў петрыкаўскі «Шахцёр», дзе свой першы матч сэзону правёў 17 верасьня 2022 году супраць «Астраўца», замяніўшы на 86-й хвіліне Паўла Шчарбачэню. Сваю адзіную сустрэчу сэзону цалкам Малашчыцкі згуляў толькі 12 лістапада, калі абараняў браму ў матчы супраць «Ліды». Рыхтавацца да сэзону 2023 году пачаў поруч з салігорскім «Шахцёрам», дзе быў адным з рэзэрвовых брамнікаў. 21 ліпеня 2024 году згуляў за салігорцаў у матчы Кубка Беларусі супраць «Івацэвічаў». 4 жніўня абараняў браму клюбу ў матчы чэмпіянату супраць «Нафтану». Сэзон 2024 году пачаў у складзе рэзэрвовай каманды клюбу, якая спаборнічала ў Першай лізе, а таксама працягваў часам гуляць за салігорскую дружыну ў элітным дывізіёне айчыннага першынства.
Міжнародная
рэдагавацьУлетку 2018 году быў выкліканы да шыхтаў зборнай Беларусі (да 17 гадоў), у складзе якой дэбютаваў у жніўні ў таварыскім матчы супраць аднагодак Латвіі. У сакавіку 2019 году браў удзел з камандай у адборачных матчах да чэмпіянату Эўропы да 17 гадоў. Таксама выклікаўся на зборы зборнай Беларусі (да 19 гадоў).
Крыніцы
рэдагаваць- ^ а б в г д Igor Malashchitskiy // Transfermarkt (мн.) — 2000.
- ^ Голкипер Малащицкий стал игроком петриковского «Шахтера» (рас.) Football.by.
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway