Яўген Бярозкін
Яўген Бярозкін (нарадзіўся 5 ліпеня 1996 году) — беларускі футбаліст, паўабаронца казаскага «Кызылжар». У 2017 годзе правёў 1 матч за нацыянальную зборную Беларусі.
| Яўген Бярозкін | ||
| Пэрсанальная інфармацыя | ||
|---|---|---|
| Нарадзіўся | 5 ліпеня 1996 (27 гадоў) Віцебск, Беларусь | |
| Рост | 182 см | |
| Вага | 72 кг[1] | |
| Пазыцыя | паўабаронца | |
| Клюбная інфармацыя | ||
| Клюб | Кызылжар | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2014—2016 2017—2020 2020—2022 2022 2023— |
Нафтан БАТЭ Ліепая Тарпэда-БелАЗ Кызылжар |
37 (2) 58 (4) 32 (5) 28 (3) 17 (2) |
| Зборныя | ||
| 2016—2018 2017 |
Беларусь (да 21) Беларусь |
17 (0) 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
Выхаванец футбольнага клюбу «Віцебск», пачаў кар’еру ў складзе фарм-клюбу «Віцебск-2» у Другой лізе. У 2013 годзе перайшоў у наваполацкі «Нафтан», дзе стаў выступаць за дубль. У сьнежні стала вядома, што цікавасьць да Бярозкіна выказаў маскавіцкі «Спартак»[2], аднак Яўген застаўся ў Наваполацку. У сэзоне 2014 году трывала выступаў за дублюючы склад «Нафтану». 9 лістапада 2014 году дэбютаваў у Найвышэйшай лізе, выйшаўшы на замену на 84-й хвіліне матча супраць БАТЭ (0:4). У сэзоне 2015 году стаў часьцей зьяўляцца на полі ў асноўнай камандзе, у тым ліку ў стартавым складзе. У сэзоне 2016 году стаў асноўным гульцом навапалачанаў, прыняў удзел у 28 матчах чэмпіянату з 30 мажлівых.
У сьнежні 2016 году падпісаў кантракт з барысаўскім БАТЭ[3]. У першай палове сэзону 2017 году трывала гуляў у аснове барысаўскага клюбу, нярэдка выходзіў у стартавым складзе, але пазьней стаў радзей зьяўляцца на полі. У сэзоне 2018 году нерэгулярна выступаў за клюб, а ў чэрвені і ліпені адсутнічаў праз пашкоджаньні. У сакавіку 2019 году падоўжыў кантракт з барысаўскім клюбам[4]. У сэзоне 2020 году страціў месца ў складзе і стаў зрэдку выходзіць на зьмену. У жніўні 2020 году перайшоў у латвійскі клюб «Ліепая»[5], дзе здолеў замацавацца ў стартавым складзе, у 2020 годзе здабыў Кубак Латвіі, на наступны год стаў бронзавым прызэрам чэмпіянату краіны.
У студзені 2022 году вярнуўся ў Беларусь, стаўшы гульцом жодзінскага «Тарпэда-БелАЗ»[6]. Рэгулярна зьяўляўся ў пачатковым складзе каманды. У студзені 2023 году па заканчэньні кантракту пакінуў клюб[7]. У лютым 2023 года стаў гульцом казаскага «Кызылжару»[8].
Міжнародная рэдагаваць
12 чэрвеня 2017 году дэбютаваў у складзе нацыянальнай зборнай Беларусі ў таварыскім матчы супраць зборнай Новай Зэляндыі.
Дасягненьні рэдагаваць
БАТЭ:
- Чэмпіён Беларусі: 2017, 2018
- Уладальнік Супэркубка Беларусі: 2017
«Ліепая»:
- Уладальнік Кубка Латвіі: 2020
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нафтан | 2015 | Найвышэйшая ліга | 8 | 0 |
| 2016 | Найвышэйшая ліга | 28 | 2 | |
| БАТЭ | 2017 | Найвышэйшая ліга | 23 | 0 |
| 2018 | Найвышэйшая ліга | 13 | 2 | |
Крыніцы рэдагаваць
- ^ а б https://www.pressball.by/footballstat/evgeni_beryozkin/
- ^ 17-летний полузащитник «Нафтана» Березкин может оказаться в структуре московского «Спартака»
- ^ БАТЭ официально объявил о трансфере Березкина(рас.)
- ^ Березкин продлил контракт с БАТЭ
- ^ БАТЭ объявил о переходе Березкина в «Лиепаю»
- ^ Футбол. Евгений Березкин подписал контракт с "Торпедо"-БелАЗом Архівавана 18 студзеня 2022.
- ^ «ТОРПЕДО-БЕЛАЗ» покинул Евгений Березкин(рас.). Афіцыйны сайт «Тарпеда-БелАЗ» (2023-01-13). Праверана 2023-01-15 г. Архіўная копія ад 15 студзеня 2023 г.
- ^ Футбол. Евгений Березкин подписал контракт с "Кызыл-Жаром"(рас.) Праверана 2023-02-04 г.
Вонкавыя спасылкі рэдагаваць
- Профіль на сайце БАТЭ(рас.)
- Статыстыка «ПБ-Инфо»(рас.)
- Профіль(анг.) на Transfermarkt
- Профіль(анг.) на Soccerway
- Профіль(анг.) на Worldfootball