Ягор Бабіч
Ягор Бабіч (нар. 12 кастрычніка 2001 году) — беларускі футбаліст, нападнік койданаўскага «Арсэналу».
| Ягор Бабіч | ||
| Пэрсанальная інфармацыя | ||
|---|---|---|
| Нарадзіўся | 12 кастрычніка 2001[1] (23 гады) | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2020 | Ашмяны-БДУФК | 21 (1) |
| 2021 | Смалявічы | 16 (12) |
| 2021 | Энэргетык-БДАТУ | 0 (0) |
| 2022 | Асіпавічы | 22 (2) |
| 2023—2024 | Арсэнал Койданаў | 37 (2) |
Кар’ера
рэдагавацьВыхаванец футбольнай акадэміі менскага «Дынама». У лютым 2020 году далучыўся да складу «Ашмянаў»-БДУФК, якое прасунулася ў Першую лігу. Запачаткаваў кар’еру ў матчы супраць рэчыцкага «Спадарожніка», зьявіўшыся на замену на 74-й хвіліне. Дэбютным голам адзначыўся 11 кастрычніка ў браму наваполацкага «Нафтану». Цягам сэзону быў адным з асноўных гульцоў каманды, але пераважна зьяўляўся на полі на зьмену іншым футбалістам.
На пачатку 2021 году ашмянскі клюб спыніў сваё існаваньне, таму ў красавіку Бабіч прыяднаўся да «Смалявічаў», якія на той час спаборнічалі ў Другой лізе. У кастрычніку таго ж году стаў футбалістам «Энэргетыкам»-БДАТУ, аднак у складзе каманды не гуляў. У пачатку 2022 году перайшоў у табар «Асіпавічаў», а 10 красавіка дэбютаваў у складзе «Баранавічаў», зьявіўшыся на замену на 73-й хвіліне. Першы гол за клюб зь Берасьцейскай вобласьці забіў 9 ліпеня ў браму пінскай «Хвалі». У сакавіку 2023 году вольным агентам далучыўся да койданаўскага «Арсэналу», склаў кантракт да сканчэньня сэзону. 2 красавіка згуляў супраць петрыкаўскага «Шахцёра», а першы гол улучыў 23 красавіка ў браму «Паперпраму». Гулец хутка замацаваўся ў складзе каманды ды прабіўся зь ёй у Найвышэйшую лігу[2]. Нападнік перад пачаткам сэзону працягнуў супрацу з клюбам яшчэ на год[3]. 29 сакавіка 2024 году запачаткаваў кар’еру ў элітным дывізіёне айчыннага першынства, адгуляўшы матч супраць магілёўскага «Дняпра».
Крыніцы
рэдагаваць- ^ а б в г д Egor Babich // Transfermarkt (мн.) — 2000.
- ^ «Арсенал» стал победителем Д2 и получил путевку в элитный дивизион (рас.) Football.by.
- ^ Егор Бабич продлил контракт с дзержинским «Арсеналом» (рас.) Football.by.
Вонкавыя спасылкі
рэдагаваць- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway