Ю́ры Анато́левіч Зі́сер (28 чэрвеня 1960 году, Львоў — 17 траўня 2020, Менск) — беларускі прадпрымальнік, дырэктар і ўласьнік УП «Надзейныя праграмы», генэральны дырэктар, заснавальнік і ўласьнік найбуйнейшага ў Беларусі парталу TUT.BY.[1]

Юры Зісер
Yuri Zisser.jpg
Род дзейнасьці прадпрымальнік, праграміст
Дата нараджэньня 28 чэрвеня 1960
Месца нараджэньня Львоў, Украіна
Дата сьмерці 17 траўня 2020
Месца сьмерці Менск, Беларусь
Грамадзянства Беларусь
Беларусь
Месца вучобы Паўночна-Заходні дзяржаўны завочны тэхнічны ўнівэрсытэт і Беларуская дзяржаўная акадэмія музыкі
Занятак бізнэсмэн
Месца працы Беларускі дзяржаўны ўнівэрсытэт інфарматыкі і радыёэлектронікі і TUT.BY
Жонка Юлія Чарняўская(be)
Сайт http://zisser.by/

БіяграфіяРэдагаваць

Юры Зісер нарадзіўся ў жыдоўскай[2] сям’і, 28 чэрвеня 1960 году ў Львове, Украіна. Скончыў Паўночна-Заходні політэхнічны інстытут у Санкт-Пецярбургу па спэцыяльнасьці «Электронныя вылічальныя машыны». У 1977—1994 гадах працаваў праграмістам, сыстэмным аналітыкам і кіраваў рознымі праектамі.[3]

У Менску жыў з 1987 году. Колькі год быў сыстэмным праграмістам у НДІ анкалёгіі ды мэдычнае радыёлёгіі ў Бараўлянах, займаўся навукаю.

У 1992 годзе заснаванае ўнітарнае прадпрыемства «Надзейныя праграмы» (рас. «Надёжные программы»). Пасьля адукацыйнае паездкі ў ЗША ў 1999 годзе загарэўся ідэяй стварыць беларускі аналяг Yahoo. Так у 2000 годзе пад эгідай УП «Надзейныя праграмы» быў створаны інтэрнэт-партал TUT.BY, які цяпер зьяўляецца найбольш папулярным інтэрнэт-рэсурсам у Байнэце.[4]

Юры Зісер сканаў 17 траўня 2020 году пасьля працяглай хваробы[5].

Грамадзкая дзейнасьцьРэдагаваць

Юры Зісер вядомы захапленьнем клясычнае музыкай. У 2013 годзе паступіў у Беларускую дзяржаўную акадэмію музыкі на клясу аргану, які пасьпяхова скончыў у 2015-м годзе. Актыўна займаўся аднаўленьнем арганаў Беларусі. Пры ягонай фінансавай падтрымцы былі адноўленыя арганы ў Менску, Нясьвіжы, Пінску.

У 2019 годзе Ю. Зісер далучыўся да звароту перапахаваць К. Каліноўскага ў Беларусі.[6]

КрытыкаРэдагаваць

Юры Зісер быў сябрам Грамадзка-кансультацыйнай рады пры Адміністрацыі А. Лукашэнкі і адным з аўтараў[7] прэзыдэнцкага ўказа №60, які ўзмацняў рэгуляваньне інтэрнэта з боку дзяржавы, абмяжоўваў доступ да рэсурсаў зь незаконным або непажаданым кантэнтам, кантроль за камэнтарамі ў інтэрнэце і за карыстальнікамі[8][9].

На лекцыі ў ЭГУ ў 2011 годзе Ю. Зісер выступаў з апраўданьнем цэнзуры ў інтэрнэце[7][10].

У 2013 годзе галоўны рэдактар сайту Хартыя-97 Натальля Радзіна абвінаваціла Юрыя Зісера ў супрацы з структурамі аўтарытарнага рэжыма Лукашэнкі і атрыманьня выгады ад прыняцьця А. Лукашэнкам указу аб рэгуляваньні інтэрнэту, паводле якога беларускім бізнэсмэнам забаранілі мець хостынг за мяжой. Ю. Зісер, паводле Н. Радзінай, зьяўляўся ўладальнікам найбуйнейшай хостынгавай кампаніі ў Беларусі[11].

У адказ Юры Зісер прыгразіў прыцягнуць Радзіну да суда[11] і заявіў, што беларускія хостынгавыя кампаніі самі пацярпелі ад згаданага ўказа, будучы вымушанымі перанесьці абсталяваньне з Расеі ў Беларусь[12].

БібліяграфіяРэдагаваць

  • Зиссер Ю. А. Маркетинг on-line. — Минск: Издательство Гревцова, 2007. — 302 с.
  • Зиссер Ю. А., Мелещенко А. А. Управление разработкой и продвижением программного обеспечения: Учебное пособие. — В 2-х частях. Часть I. Менеджмент. — Минск: БГУИР, 2002. — 163 с.
  • Зиссер Ю. А., Мелещенко А. А. Управление разработкой и продвижением программного обеспечения: Учебное пособие. — В 2-х частях. Часть II. Маркетинг. — Минск: БГУИР, 2002. — 155 с.

КрыніцыРэдагаваць

Вонкавыя спасылкіРэдагаваць