Натальля Радзіна
Натальля Радзіна — беларуская журналістка, рэдактар сайту «Хартыя’97».
Натальля Радзіна | |
 | |
| Род дзейнасьці | журналістка |
|---|---|
| Дата нараджэньня | 3 траўня 1979 (45 гадоў) |
| Месца нараджэньня | |
| Месца вучобы | |
| Занятак | журналістка |
| Месца працы |
|
| Узнагароды | |
Нарадзілася 3 траўня 1979 году[1] ў Кобрыні[2]. Бацька вайсковец. З 1996 г. пражывала ў Менску. Ад 1997 г. пачала працаваць у незалежных газэтах, у тым ліку ў газэтах «Навіны», «Народная Воля» і «Наша Свабода». У 2001 годзе скончыла факультэт журналістыкі Беларускага дзяржаўнага ўнівэрсытэту.
19 сьнежня 2010 г. Радзіна была зьбітая й арыштаваная ў ходзе разгона АМАПам дэманстрацыі апазыцыі. Яе абвінавацілі ў арганізацыі і ўдзеле ў масавых беспарадках.[2] 29 студзеня 2011 году Радзіна была вызваленая пад падпіску аб нявыезьдзе[3] і накіраваная ў Кобрын, па месцы рэгістрацыі.
30 сакавіка 2011 г. Радзіна выехала з Кобрына на допыт у Менск, але замест гэтага зьбегла зь Беларусі. Чатыры месяцы яна правяла ў Расеі, пасьля чаго ў жніўні 2011 г. зьехала ў Літоўскую Рэспубліку, дзе папрасіла палітычнага прытулку[4].
Узнагароджаная Міжнароднай прэміі за свабоду прэсы(en) ад Камітэту па абароне журналістаў (2011) і Мэдалём да стагодзьдзя БНР (2018).
Крыніцы
рэдагаваць- ^ Натальля Радзіна. Радыё Свабода (03.04.2013).
- ^ а б Мать Натальи Радиной: Я горжусь своей дочерью (фото) (рас.). Белорусский партизан (26 студзеня 2011).
- ^ Натальля Радзіна: "Я выйшла на свабоду толькі з-за вашай салідарнасьці". Народная Воля (29 студзеня 2011).
- ^ Радина, Н. (8 жніўня 2011) Крутой маршрут (рас.). Хартыя’97.