Юры Астравух
Ю́ры Астраву́х (нар. 21 студзеня 1988 году, Ліда, БССР) — беларускі футбаліст, абаронца.
| Юры Астравух | ||
| ||
| Пэрсанальная інфармацыя | ||
|---|---|---|
| Нарадзіўся | 21 студзеня 1988[1] (37 гадоў) | |
| Рост | 180 см | |
| Вага | 75 кг[2] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2005 | Ліда | 19 (1) |
| 2006—2010 | БАТЭ | 8 (0) |
| 2008 | → Савіт Магілёў | 23 (0) |
| 2009 | → Белшына | 22 (0) |
| 2010 | → Тарпэда-БелАЗ | 17 (0) |
| 2011 | Рэчыца-2014 | 25 (1) |
| 2012—2015 | Менск | 103 (8) |
| 2016—2018 | Дынама Менск | 47 (0) |
| 2018—2021 | Менск | 47 (0) |
| 2022 | Слуцак | 26 (1) |
| Зборныя | ||
| 2006 | Беларусь (да 19)[d] | 6 (0) |
| 2009—2011 | Беларусь (да 21) | 12 (0) |
Кар’ера
рэдагавацьКлюбная
рэдагавацьЮры пачаў кар’еру ў клюбе «Ліда», якая базуецца ў ягоным родным горадзе. Празь нейкі час перайшоў у склад клюбу БАТЭ. У складзе барысаўчанаў не замацаваўся, таму аддаваўся ў арэнды. У найвышэйшай лізе праводзіў матчы за «Савіт», «Белшыну», «Тарпэда» (Жодзін). У 2011 годзе стаў гульцом рэчыцкага «Ведрыча-97», дзе стаў асноўным гульцом. У студзені 2012 году перайшоў у «Менск» і неўзабаве замацаваўся ў асноўным складзе на пазыцыі левага абаронцы. У сэзоне 2013 году чаргаваўся на гэтай пазыцыі зь Мілашам Рнічам, часам выкарыстоўваўся ў якасьці левага паўабаронцы.
У сьнежні 2013 году падоўжыў кантракт зь менскім клюбам[3]. У першай палове сэзону 2014 году звычайна выходзіў на замену, а пасьля зыходу з каманды Мілаша Рніча ўлетку 2014 году замацаваўся на пазыцыі левага абаронцы. У сьнежні 2014 году стала вядома аб тым, што Астравух застанецца ў «Менску» на наступны сэзон[4], які распачаў асноўным левым абаронцам, але потым нярэдка выкарыстоўваўся і ў паўабароне.
14 сьнежня 2015 году падпісаў кантракт зь менскім «Дынама»[5]. У складзе дынамаўцаў спачатку гуляў у асноўным складзе (на пазыцыі левага абаронцы або паўабаронцы), але з жніўня ўжо рэдка зьяўляўся на полі. У сьнежні 2016 году падоўжыў кантракт з дынамаўцамі[6]. У сэзоне 2017 году выходзіў у стартавым складзе, толькі ў канцы сэзону страціў месца ў асноўным складзе. У сьнежні 2017 году падпісаў новы кантракт зь менчукамі[7].
У жніўні 2018 году паводле пагадненьня бакоў пакінуў «Дынама»[8] і неўзабаве вярнуўся ў «Менск»[9], дзе стаў гульцом пачатковага складу. У студзені 2019 году падоўжыў кантракт зь «мяшчанамі»[10]. У сэзоне 2019 году амаль не гуляў праз траўмы, у 2020 годзе вярнуў месца ў асноўным складзе. У сэзоне 2021 году быў капітанам каманды, але зьяўляўлся на полі нерэгулярна, нярэдка заставаўся на лаўцы запасных ці па-за складам. У сьнежні 2021 году па заканчэньні кантракту пакінуў сталічны клюб[11].
З студзеня 2022 году пачаў трэнавацца з «Слуцкам» і ў лютым узгодніў кантракт з клюбам[12]. Замацаваўся ў першай адзінаццатцы случакоў. У лютым 2023 году падоўжыў кантракт з слуцкім клюбам[13], аднак праз забарону Міністэрства спорту і турызму ня трапіў у заяўку «Слуцка» на сэзон і ня браў удзелу ў афіцыйных матчах. Некаторы час працягваў трэнавацца з камандай, аднак пазьней пакінуў клюб[14].
Міжнародная
рэдагавацьГуляў за моладзевую зборную Беларусі, у тым ліку трапіў на чэмпіянат Эўропы 2011 году ў Даніі, аднак на полі не зьяўляўся.
Дасягненьні
рэдагавацьБАТЭ:
- Чэмпіён Беларусі: 2007
«Дынама» Менск:
- Срэбраны прызэр чэмпіянату Беларусі: 2017
- Бронзавы прызэр чэмпіянату Беларусі: 2016
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 25 | 4 |
| Дынама Менск | 2016 | Найвышэйшая ліга | 16 | 0 |
| 2017 | Найвышэйшая ліга | 22 | 0 | |
| 2018 | Найвышэйшая ліга | 9 | 0 | |
| Менск | 10 | 0 | ||
Крыніцы
рэдагаваць- ^ а б в Yuri Ostroukh // Transfermarkt (мн.) — 2000.
- ^ а б http://sfc-slutsk.by/person/391
- ^ Дечко, Бегунов и Остроух продлили контракты с «Минском» (рас.) 2013-12-09 г. Архіўная копія ад 2014-02-19 г.
- ^ "Минск" расстался с Ранджеловичем. Остроух продлил контракт с клубом (рас.)
- ^ Минское "Динамо" подписало контракты с Юрием Остроухом и Валерием Жуковским (рас.)
- ^ Минское "Динамо" продлило контракт с Остроухом (рас.)
- ^ Минское "Динамо" подтвердило продление контракта с Остроухом (рас.)
- ^ Минское "Динамо" рассталось с Остроухом (рас.)
- ^ Юрий Остроух подписал контракт с "Минском" (рас.)
- ^ Остроух продлил контракт с "Минском" (рас.)
- ^ Остроух покинул "Минск" (рас.)
- ^ Юрий Остроух стал игроком "Слуцка" (рас.)
- ^ Юрий Остроух продлил контракт со "Слуцком" (рас.)
- ^ Александр Гуринович: "Медали выигрываются благодаря деталям и личностям" (рас.)
Вонкавыя спасылкі
рэдагаваць- Профіль на сайце «Менску» (рас.)
- Профіль на сайце transfermarkt.co.uk (анг.)
- Статыстыка «ПБ-Инфо» (рас.)