Эдэн Азар
Эдэ́н Аза́р (па-француску: Eden Hazard; нарадзіўся 7 студзеня 1991 году, Ля-Лювіер, Бэльгія) — бэльгійскі футбаліст, паўабаронца нацыянальнай зборнай Бэльгіі.
| Эдэн Азар | ||
| ||
| Пэрсанальная інфармацыя | ||
|---|---|---|
| Нарадзіўся | 7 студзеня 1991[1][2][3] (32 гады) | |
| Рост | 175 см[5] | |
| Вага | 79 кг[6] | |
| Пазыцыя | вінгер | |
| Клюбы | ||
| Гады | Клюб | Гульні (галы)¹ |
| 2008—2012 2012—2019 2019—2023 |
Ліль Чэлсі Рэал Мадрыд |
147 (36) 245 (85) 54 (4) |
| Зборныя | ||
| 2008—2022 | Бэльгія | 126 (33) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера Рэдагаваць
«Ліль» Рэдагаваць
У 2005 годзе Эдэн папоўніў моладзевы склад «Лілю», у сэзоне 2007—2008 гадоў згуляў за яго свае першыя 4 матчы на дарослым узроўні. З наступнага сэзону замацаваўся ў асноўным складзе каманды, стаў лепшым маладым гульцом чэмпіянату. У сэзоне 2009—2010 гадоў ізноў быў прызнаны лепшым маладым гульцом, а таксама ўвайшоў у сымбалічную зборную паводле вынікаў сэзону. У сэзоне 2010—2011 гадоў разам са сваёй камандай стаў чэмпіёнам Францыі, забіўшы 7 мячоў і зарабіўшы 9 асыстэнсцкіх балаў, а таксама быў прызнаны лепшым гульцом Францыі сэзону, зноўку апынуўшыся у сымбалічнай зборнай чэмпіянату. Яшчэ ў канцы 2010 году ім сталі цікавіцца вядучыя клюбы розных краінаў, у траўні ж чуткі аб ягоным пераходзе сталі ўсё часьцей зьяўляцца ў прэсе.
28 траўня 2012 году ў сваім «твітэры» абвесьціў аб пераходзе «да пераможцаў Лігі чэмпіёнаў». Як, меркавалася, гэта быў лёнданскі «Чэлсі»[7].
«Чэлсі» Рэдагаваць
4 чэрвеня 2012 году 21-гадовы гулец зборнай Бэльгіі ўзгадніў умовы асабістага кантракту з «Чэлсі» й прайшоў мэдычнае абсьледаваньне. Азар далучыўся да клюбу ў ліпені, калі ўсе гульцы вярнуліся да перадсэзонных трэніровак[8].
Міжнародная кар’ера Рэдагаваць
19 лістапада 2008 году ва ўзросьце 17 гадоў дэбютаваў у складзе нацыянальнай зборнай Бэльгіі, выйшаўшы на замену ў матчы супраць зборнай Люксэмбургу. 7 кастрычніка 2011 году забіў свой першы мяч за зборную, паразіўшы браму зборнай Казахстану ў адборачным матчы да чэмпіянату Эўропы 2012 году, куды зборная Бэльгіі ў выніку прабіцца ня здолела.
Дасягненьні Рэдагаваць
«Ліль»:
- Чэмпіён Францыі: 2011
- Уладальнік Кубка Францыі: 2011
«Чэлсі»:
- Чэмпіён Ангельшчыны: 2015, 2017
- Уладальнік Кубка Ангельшчыны: 2018
- Уладальнік Кубка футбольнай лігі: 2015
- Пераможца Лігі Эўропы: 2013, 2019
«Рэал»:
- Чэмпіён Гішпаніі: 2020, 2022
- Уладальнік Кубка Гішпаніі: 2023
- Уладальнік Супэркубка Гішпаніі: 2022
- Пераможца Лігі чэмпіёнаў: 2022
Крыніцы Рэдагаваць
- ^ а б Eden Hazard // Transfermarkt (мн.) — 2000.
- ^ а б Eden Hazard // FBref.com (мн.)
- ^ а б Eden Hazard // As (гішп.) — Madrid: Grupo PRISA, 1967.
- ^ а б FBref.com (мн.)
- ^ а б https://www.realmadrid.com/en/football/squad/eden-hazard
- ^ а б https://www.chelseafc.com/en/teams/first-team/eden-hazard
- ^ Азар: перехожу к победителям Лиги чемпионов. championat.com
- ^ Трансфер в Челси. chelsea-fc.ru
Вонкавыя спасылкі Рэдагаваць
- Афіцыйны сайт
- Профіль(анг.) на Transfermarkt
- Профіль(анг.) на Soccerway
- Профіль на афіцыйным сайце «Ліль»
- Профіль на афіцыйным сайце «Чэлсі» Лёндан
- Статыстыка на сайце LFP