Шчасны Галоўчынскі
(пам. 1610) кашталян менскі
Шчасны Галоўчынскі (па-польску: Szczęsny Hołowczyński, 1610) — дзяржаўны дзяяч Вялікага Княства Літоўскага, дзяржаўца любашанскі з 1581. 12 сакавіка 1600 названы кашталянам менскім. Валодаў маёнткамі Галоўчын, Езна, Цітва, Шацк і інш.
 Герб «Лебедзь» | |
| Асабістыя зьвесткі | |
|---|---|
| Памёр | 1610 |
| Род | Галоўчынскія |
| Бацькі | Яраслаў Мацьвеевіч Галоўчынскі Дарота Касьцевіч |
| Жонка | Гальшка Хадкевіч |
| Дзеці | Ян<br\>Рэгіна |
З роду князёў Галоўчынскіх герба «Лебедзь», сын маршалка гаспадарскага і ляхавіцкага старосты Яраслава Мацьвеевіча і Дароты Венцлаваўны Касьцевіч.
Быў жанаты на віленскай кашталянке Гальшке Хадкевіч і меў сына Яна, чашніка літоўскага, які памёр бяздзетным, і дачку Рэгіну, якая ў першы раз пабралася шлюбам з менскім ваяводай Пятром Тышкевічам, а пасьля яго сьмерці з чашнікам літоўскім, а потым ваяводай амсьціслаўскім і віцебскім Крыштапам Кішкай.
Літаратура
рэдагаваць- Boniecki A. Herbarz polski, T. 1-17, dodatek – Warszawa 1899-1913.
- Uruski S. Rodzina. Herbarz szlachty polskiej, T. 1-15 – Warszawa 1904-1938.
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4