Шаля

	Шаля
	славац. Šaľa
Герб Шалі	Сьцяг Шалі
Дата заснаваньня:	1002
Краіна:	Славаччына
Край:	Нітранскі
Акруга:	Шальская
Плошча:	44,9673 км² (2024);
Вышыня:	116 м н. у. м.
Насельніцтва:	▼19 934 чал. (31 сьнежня 2024);
Часавы пас:	UTC+1
летні час:	UTC+2
Тэлефонны код:	031
Паштовы індэкс:	927 XX (XX; 01-Šaľa, 05 Veča)
Нумарны знак:	SA
Геаграфічныя каардынаты:	48°9′0″ пн. ш. 17°53′0″ у. д. / 48.15° пн. ш. 17.88333° у. д.Каардынаты: 48°9′0″ пн. ш. 17°53′0″ у. д. / 48.15° пн. ш. 17.88333° у. д.
	Шаля на мапе Славаччыны Шаля
	Галерэя здымкаў у Вікісховішчы
	http://www.sala.sk

Шаля (па-славацку: Šaľa, па-нямецку: Schelle, па-вугорску: Vágsellye) — горад у паўднёва-заходняй Славаччыне на рацэ Ваг.

Гаспадарка

На ўсход ад Шалі працаваў хімзавод «Дусла», заснаваны ў 1958 годзе ў якасьці «Шальскай азотні».

Геаграфія

Горад разьмешчаны на Дунайскай нізіне з абодвух бакоў ракі Ваг прыкладна за 65 км ад Браціславы і за 30 км ад Новых Замкаў. Шаля знаходзіцца ў цёплай кліматычнай зоне^[3].

Гісторыя

Горад упершыню згадваецца ў 1002 годзе. У 1252 Шалю спалілі татары, у гэтым ж годзе кароль Бэла IV надаў Шалі гарадзкія правы.

XVI—XVII стагодзьдзі прайшлі пад знакам пастаяннай вайны з туркамі. У XVII стагодзьдзі тут будуецца фартэцыя. У XVIII стагодзьдзі Шаля пачынае разьвівацца дзякуючы сваёму порту Веча. Чыгунка, пракладзеная ў 1850 паміж Венай і Будапэштам паскорыла разьвіцьцё гораду. У 1918 годзе стаў часткай Чэхаславаччыны, за выняткам пэрыяду 1938—1945 гадоў, калі горад уваходзіў у склад Вугоршчыны.

Цяпер Шаля — акруговы цэнтар Нітранскага краю.

Дэмаграфія

Паводле перапісу 2001 году колькасьць насельніцтва гораду налічвае 24 564 чалавек. Нацыянальны склад: 79,72% — славакі, 17,88% — вугорцы, 0,48% — чэхі і 0,40% — цыганы^[4].

Рэлігійны склад: 66,63% — рыма-каталікі, 23,62% — людзі без прыналежнасьці да рэлігіі і 4,00% — лютэране^[4].