Царква Сьвятога Лукі (Дамачава)

Помнік гісторыі
Царква Сьвятога Лукі
Царква Сьвятога Лукі
Краіна	Беларусь
Мястэчка	Дамачава
Каардынаты	51°44′44.55″ пн. ш. 23°35′29.76″ у. д.
Канфэсія	Беларускі экзахат
Эпархія	Берасьцейская і Кобрынская япархія
Архітэктурны стыль	псэўдарускі стыль[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Лукі на мапе Беларусі Царква Сьвятога Лукі
Царква Сьвятога Лукі на Вікісховішчы

Царква Сьвятога Лукі — помнік гісторыі пачатку XX стагодзьдзя (мураўёўка) у Дамачаве. Знаходзіцца ў цэнтры мястэчка. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Новую драўляную царкву Ўрадавага сыноду Расейскай імпэрыі (Маскоўскай царквы) у Дамачаве збудавалі ў 1905 годзе на месцы старой царквы.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую кампазыцыю. Завершаная купалам-цыбулінай 3-ярусная шатровая званіца ўзвышаецца над простым, але высокім і шырокім прастакутным у пляне зрубам бабінца. Яе верхнія грані дэкаруюцца балюстрадай і паўкалёнамі. Кубападобны аб’ём залі завяршаецца вялікім 8-гранным сьветлавым барабанам з шатром і купалам-цыбулінай. Дынаміку архітэктурнай кампазыцыі ўзмацняюць больш нізкая 5-гранная апсыда і высокі 6-слуповы ганак, завершаны трыкутным франтонам «мадэрнавага» разьвязку. Суровая роўнасьць ашаляваных фасадаў зьмякчаецца высока ўзьнятымі прастакутнымі аконнымі праёмамі ў разных ліштвах. Галоўны ўваход вылучаецца высокім шчыпцом на 6 тонкіх слупах.

Ва ўнутранай прасторы грані раскрытага ў залю барабана і сьцены дэкаруюцца паліхромнай размалёўкай. Ветразі барабана падтрымліваюць 4 здвоеныя калёны. Апсыда абмяжоўваецца разным 3-ярусным іканастасам. У інтэр’еры захоўваюцца абразы XVIII стагодзьдзя: «Хрыстос у сілах», «Эвангеліст Лука», «Эвангеліст Марк», «Сьвятая Велікамучаніца Барбара». Да больш позьняга часу належаць абразы «Вялебны Апанас Філіповіч Берасьцейски», 3 апосталаў «Васіль Вялікі, Ян Златавуст і Ян Багаслоў» і 3 прарокаў.

Галерэя

• Гістарычныя здымкі
• 
  каля 1905 г.
• 
  20 сакавіка 1917 г.
• 
  20 сакавіка 1917 г.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000082

• Царква Сьвятога Лукі ў Дамачаве, Radzima.org