Царква Сьвятога Георгія (Сьмілавічы)

Помнік гісторыі
Царква Сьвятога Ўладзімера
Краіна	Беларусь
Мястэчка	Сьмілавічы
Каардынаты	53°45′10″ пн. ш. 28°00′40″ у. д.
Канфэсія	Беларускі экзархат
Эпархія	Барысаўская япархія[d]
Царква Сьвятога Ўладзімера на мапе Беларусі Царква Сьвятога Ўладзімера
Царква Сьвятога Ўладзімера на Вікісховішчы

Царква Сьвятога Георгія — помнік гісторыі другой паловы XIX стагодзьдзя (мураўёўка) у Сьмілавічах. Знаходзілася ў цэнтры мястэчка, на Рынку. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Сьмілавічах збудавалі ў 1865 годзе на месцы драўлянай Прачысьценскай царквы Сьвятога Пасаду, вядомай з XVII ст.

У 1937 годзе савецкія ўлады ўзарвалі будынак царквы. Да нашага часу захаваліся падмуркі.

У 1990-я гады ў Сьмілавічах збудавалі новую Георгіеўскую царкву (у іншым месцы).

Архітэктура

Прыклад эклектычнай царкоўнай архітэктуры Расейскай імпэрыі. Мела форму роўнабаковага крыжа. Над сяродкрыжжам узвышаўся глухі драўляны купал. Фасады былі афарбаванымі ў жоўта-белы колер.

Усярэдзіне мела скляпеністыя перакрыцьці. У алтары месьціўся 5-узроўневы іканастас ў стылі нэабарока.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Інфармацыя пры цэрквы Сьмілавічаў