Царква Покрыва Багародзіцы (Дудаковічы)

Помнік гісторыі
Царква Покрыва Багародзіцы
Пакроўская царква
Краіна	Беларусь
Вёска	Дудаковічы
Каардынаты	54°17′14.70″ пн. ш. 29°54′40.20″ у. д.
Архітэктурны стыль	псэўдарускі стыль[d]
Дата заснаваньня	2-я палова XIX ст.
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Царква́ По́крыва Багаро́дзіцы — помнік гісторыі другой паловы XIX ст. (мураўёўка) у Дудаковічах. Знаходзіцца ва ўсходняй частцы гістарычнага мястэчка, на ўзвышшы. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Дудаковічах збудавалі ў другой палове XIX ст.

У 1930-я гады савецкія ўлады зачынілі царкву.

Архітэктура

Прыклад эклектычнай царкоўнай архітэктуры Расейскай імпэрыі. Цэнтрычны кубападобны аб’ём завяршаецца 8-гранным сьветлавым шатровым барабанам. Прастакутны партал галоўнага ўваходу вылучаецца глыбокім рызалітам, злучаецца з аркавым аконным праёмам хораў высокай аркавай нішай і завяршаецца 2-гранным шчытом. Такім жа рызалітам вылучаецца апсыда. Бакавыя ўваходы з магутнымі пэрспэктыўнымі парталамі. Архітэктура будынка адзначаецца багатай дэкаратыўнай плястыкай — аркатурнымі фрызамі, прафіляванымі ліштвамі аркавымі аконнымі праёмамі, кутнімі калёнкамі-бочкамі, прастакутнымі нішамі.

У інтэр’еры пануе 2-сьветлавая, перакрытая самкнутым 8-гранным скляпеньнем прастора барабану, падтрыманага чатырма магутнымі слупамі і перакінутымі паміж імі аркамі. 8 бакавых прасторавых ячэек перакрываюцца цыліндрычнымі скляпеньнямі на распалубках.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Покрыва Прасьвятой Багародзіцы ў Дудаковічах, Radzima.org