Урдамін

	Урдамін; лац. Urdamin
	лет. Rudamina
	; Агульны выгляд
Герб Урдаміна
Краіна:	Летува
Павет:	Аліцкі
Вышыня:	168 м н. у. м.
Насельніцтва:	197 чал. (2021)
Часавы пас:	UTC+2
летні час:	UTC+3
Геаграфічныя каардынаты:	54°17′17.9″ пн. ш. 23°27′6.1″ у. д. / 54.288306° пн. ш. 23.451694° у. д.Каардынаты: 54°17′17.9″ пн. ш. 23°27′6.1″ у. д. / 54.288306° пн. ш. 23.451694° у. д.
	Урдамін на мапе Летувы Урдамін
	Галерэя здымкаў у Вікісховішчы

Урдамін, Рудаміна^[1] (лет. Rudamina) — мястэчка ў Летуве, каля возера Пасернікаў. Уваходзіць у склад Лазьдзейскага староства Лазьдзейскага раёну Аліцкага павету. Насельніцтва на 2011 год — 256 чалавек. Знаходзіцца за 7 км на паўночны захад ад Лазьдзеі.

Урдамін — мястэчка гістарычнай Троччыны. Да нашага часу тут захаваліся касьцёл Найсьвяцейшай Тройцы і палацава-паркавы комплекс Сухарэўскіх, помнікі архітэктуры XVI—XVIII стагодзьдзяў.

Назва

Мяркуецца, што пачатковай формай назвы была Рудаміна, якую зьвязваюць з словам «руда» і вытворным прыметнікам «руды».

Гісторыя

Вялікае Княства Літоўскае

Упершыню Ўрдамін упамінаецца ў XVI ст. У гэты час ён уваходзіў у склад Троцкага павету Троцкага ваяводзтва.

У 1592 годзе з фундацыі князёў Масальскіх ува Ўрдаміне збудавалі касьцёл.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Урдамін апынуўся ў складзе Прусіі, у 1807 годзе згодна з Тыльзіцкай мірнай дамовай — у складзе Расейскай імпэрыі, у Кальварыйскім павеце. На 1827 год у мястэчку было 26 будынкаў.

За часамі Першай сусьветнай вайны ў 1915 годзе Ўрдамін занялі войскі Нямецкай імпэрыі

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Ўрдамін апынуўся ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.