Уладзіслаў Ложкін

беларускі футбаліст

Уладзіслаў Ложкін (нарадзіўся 25 сакавіка 2002 году) — беларускі футбаліст, нападнік мазырскага «Славіі».

Уладзіслаў Ложкін
Пэрсанальная інфармацыя
Нарадзіўся 25 сакавіка 2002(2002-03-25)[1] (22 гады)
Рост 179 см
Вага 69 кг[1]
Пазыцыя нападнік
Клюбная інфармацыя
Клюб Славія Мазыр
Нумар 8
Клюбы
Гады Клюб Гульні (галы)¹
2019—2022 Дынама Менск 54 (10)
2020 Смалявічы 10 (3)
2023 Туран 26 (20)
2024—4 Славія Мазыр 10 (2)
Зборныя
2019 Беларусь (да 19)[d] 3 (1)
2020—4 Беларусь (да 21) 22 (4)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
31 траўня 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
20 лістапада 2023.

Кар’ера

рэдагаваць

Пачынаў займацца футболам у магілёўскім «Дняпры», пазьней далучыўся да школы менскага «Дынама». З пачатку 2019 году пачаў выступаць за клюбны дубль. 26 чэрвеня 2019 году ўпершыню зьявіўся на пляцоўцы ў складзе асноўнай каманды «Дынама», выйшаўшы на зьмену ў другім тайме ў матчы Кубка Беларусі супраць мікашэвіцкага «Граніту» (2:0). Дэбютаваў у Найвышэйшай лізе 5 ліпеня 2019 году ў матчы супраць барысаўскага БАТЭ (1:2), выйшаўшы на зьмену ў другім тайме. У далейшым працягваў гуляць за дубль, часам прыцягваючыся да асноўнай каманды.

У ліпені 2020 году быў аддадзены ў арэнду ў «Смалявічы»[2]. У першым жа матчы за новую каманду, 10 ліпеня супраць «Іслачы», аформіў дубль, чым дапамог «Смалявічам» здабыць перамогу зь лікам 3:1. У далейшым быў асноўным нападнікам каманды, але і ня выратаваў яе ад вылету з Найвышэйшай лігі. У сьнежні 2020 году па заканчэньні арэнды пакінуў «Смалявічы»[3]. У пачатку 2021 году трэнаваўся разам з асноўнай камандай «Дынама», у выніку пачаў у ейным складзе сэзон 2021 году. Рэгулярна зьяўляўся ў асноўным складзе, у 2021 годзе пераважна выходзіў у стартавым складзе, а ў 2022 годзе чаргаваў выхады ў пачатковым складзе і на зьмену. Па заканчэньні сэзона 2022 году скончыўся кантракт з дынамаўцамі і гулец стаў вольным агентам.

У лютым 2023 году пачаў трэнавацца з «Туранам» з другога дывізіёну Казахстану і ў сакавіку трапіў у заяўку каманды на сэзон. 15 сакавіка 2024 году стала вядома, што нападнік далучыўся да мазырскай «Славіі»[4].

Міжнародная

рэдагаваць

У студзені 2019 году ў складзе юнацкай зборнай Беларусі прымаў удзел у Кубку Разьвіцьця ў Менску. У сакавіку 2019 году выступаў за юнацкую зборную Беларусі (да 17 гадоў) у элітным раўндзе чэмпіянату Эўропы. У кастрычніку 2019 году выступаў за юніёрскую зборную Беларусі (да 19 гадоў) у адборачным раўндзе чэмпіянату Эўропы. 4 верасьня 2020 году дэбютаваў у моладзевай зборнай Беларусі (да 21 гадоў), калі выйшаў у пачатковым складзе ў адборачным матчы чэмпіянату Эўропы супраць Нідэрляндаў (0:7) і быў заменены ў першым тайме.

Вонкавыя спасылкі

рэдагаваць