Трэвар Зэграс
Трэвар Зэграс (па-ангельску: Trevor Zegras; нар. 20 сакавіка 2001 году) — амэрыканскі хакеіст, цэнтральны нападнік клюбу «Анагайм Дакс» з Нацыянальнай хакейнай лігі. У 2019 годзе быў абраны на драфце НХЛ клюбам «Анагайм Дакс» у першым раўндзе пад агульным 9 нумарам. На студэнцкім узроўні абараняў колеры Бостанскага ўнівэрсытэту.
| Трэвар Зэграс | ||
|---|---|---|
.jpg)
| ||
| Рост | 183 см[1] | |
| Вага | 78 кг | |
| Пазыцыя | цэнтральны нападнік, нападнік | |
| Грамадзянства | ||
| Дата нараджэньня | 20 сакавіка 2001[1] (23 гады) | |
| Месца нараджэньня |
| |
| Клюб | Анагайм Дакс | |
| Выступаў за | ||
| Драфт НХЛ | 9, 2019 Анагайм Дакс | |
| Гульнявая кар’ера | 2021 — цяпер | |
Кар’ера
рэдагавацьПачынаў займацца хакеем у Нью-Ёрку, дзе таксама браў удзел у юнацкіх і юніёрскіх лігах. Быў заўзятарам клюбу «Нью-Ёрк Рэйнджарз»[2]. Гуляючы ў Хакейнай лізе ЗША, быў заўважаны клюбамі НХЛ. У выніку быў задрафтаваны ў 2019 годзе ў першым раўндзе пад агульным дзевятым нумарам клюбам «Анагайм Дакс»[3]. Не зважаючы на тое, што гулец мог далучыцца да структуры вялікага клюбу, Зэграс, кіруючыся сваімі абавязацельствамі, далучыўся да каманды Бостанскага ўнівэрсытэту[4].
Зэграс афіцыйна завяршыў сваю студэнцкую кар’еру 27 сакавіка 2020 году, склаўшы трохгадовы кантракт пачаткоўца з «Анагайм Дакс»[5]. Па падпісаньні кантракту маладзён быў пераведзены ў фарм-клюб «Сан-Дыега Галз», які спаборнічаў у Амэрыканскай хакейнай лізе, дзе згуляў частку сэзону 2020—2021 гадоў[6]. 5 лютага 2021 году Зэграс дэбютаваў на прафэсійным узроўні ў складзе «Галз» і адзначыўся голам і двума выніковымі перадачамі ў пераможным матчы зь лікам 4:1 над «Бэйкерсьфілд Кондарз»[7]. У канцы лютага быў адкліканы у каманду НХЛ[6], у складзе якой запачаткаваў выступы ў НХЛ матчам 22 лютага супраць «Арызоны Каётыз»[8]. Празь некалькі гульняў, 18 сакавіка 2021 году, Зэграс закінуў сваю першую шайбу ў браму Эйдына Гіла, які абараняў колеры «Арызоны Каётыз». У выніку Зэграсавы клюб здабыў перамогу зь лікам 3:2 у авэртайме. Згуляўшы 24 матчы хакеіст вярнуўся ў «Сан-Дыега Галз», дзеля атрыманьня патрэбнага досьведу.
Падчас трэнаваньня перад сэзонам 2021—2022 гадоў Зэграс замацаваўся на пазыцыі цэнтральнага нападніка[9] ды хутка замацаваўся ў асноўным складзе. Да сьнежня 2021 году ён зарабіў 22 пункты ў 27 гульнях, заняўшы другое месца сярод пачаткоўцаў лігі паводле вынікаў. Сярэдні час на лёдзе гульца складаў блізу 17 хвілінаў[10]. Зэграс завяршыў свой першы паўнавагавы сэзон з 23 галамі і 38 выніковымі перадачамі. У выніку нападнік быў намінаваны на Мэмарыяльны трафэй Колдэра, які прысуджаецца найлепшаму пачаткоўцу году ў НХЛ[11], аднак узнагароду атрымаў Морыц Зайдэр[12]. У наступным усьцяж працягваў абараняць колеры каліфарнійскай каманды. Напрыканцы 2023 году выбыў праз траўму на двацацць матчаў[13][14].
Крыніцы
рэдагаваць- ^ а б в г д е https://www.iihf.com/en/events/2024/wm/teams/roster/45161/united_states — Міжнародная фэдэрацыя хакею на лёдзе.
- ^ «Trevor Zegras is Ready for the Big Time». Sports Illustrated.
- ^ «Gary Zegras Sees Son Trevor Fulfill Lifelong Dream». NHL.
- ^ «Blackhawks Draft Resume: Trevor Zegras». NHL.
- ^ «Ducks Sign Zegras to Entry-Level Contract». NHL.
- ^ а б «Ducks recall Zegras from San Diego». San Diego Gulls.
- ^ «Game summary: Bakersfield at San Diego, February 5, 2021». AHL.
- ^ «Ducks squander 3-goal lead in Trevor Zegras’ NHL debut, lose to Coyotes». Orange County Register.
- ^ «Zegras confident he can handle role as Ducks top center». NHL.
- ^ «Rookie Watch: Caufield, Zegras among best born in United States». NHL.
- ^ «Bunting, Zegras, Seider named finalists for Calder Trophy». Sportsnet.
- ^ «Moritz Seider captures Calder Memorial Trophy as NHL Rookie of the Year». NHL.
- ^ «Zegras placed on injured reserve by Ducks with lower-body injury». NHL.
- ^ «Ducks’ Trevor Zegras returning after 20-game absence». ESPN.