Сяргей Карніленка
Сярге́й Карніле́нка (нар. 14 чэрвеня 1983 году, Віцебск) — колішні беларускі футбаліст, нападнік. У 2004—2016 гадах правёў у складзе зборнай Беларусі 78 матчаў і забіў у іх 17 галоў. Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні[4]. Цяпер працуе ў структуры расейскага клюбу «Крылы Саветаў».
| Сяргей Карніленка | ||
| ||
| Пэрсанальная інфармацыя | ||
|---|---|---|
| Нарадзіўся | 14 чэрвеня 1983[1][2][3][…] (41 год) | |
| Рост | 186 см | |
| Вага | 90 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2000 | Віцебск | 4 (0) |
| 2001—2003 | Дынама Менск | 46 (23) |
| 2004 | Дынама Кіеў | 12 (2) |
| 2005—2008 | Дніпро | 88 (25) |
| 2008—2009 | Том Томск | 13 (6) |
| 2009—2011 | Зэніт | 11 (1) |
| 2010 | → Рубін Казань | 8 (3) |
| 2010 | → Том Томск | 15 (11) |
| 2011—2019 | Крылы Саветаў | 190 (54) |
| 2011 | → Блэкпул | 6 (0) |
| Зборныя | ||
| 2001 | Беларусь (да 19)[d] | 1 (0) |
| 2003—2005 | Беларусь (да 21) | 13 (5) |
| 2004—2016 | Беларусь | 78 (17) |
Кар’ера
рэдагавацьКлюбная
рэдагавацьПачаў кар’еру ў віцебскім «Лякаматыве-96». Пасьля перабраўся ў менскае «Дынама». У 2003 годзе замацаваўся ў асноўным складзе і стаў найлепшым бамбардзірам чэмпіянату. У сьнежні 2003 году Карніленка быў на праглядзе ў «Штутгарт», дзе на той час гуляў Аляксандар Глеб, але кіраўніцтва нямецкага клюбу адклала рашэньне па гэтым трансфэры да студзеня наступнага году. Гэтым скарысталася ўкраінскае «Дынама», у выніку чаго беларус далучыўся да ўкраінскага клюбу. Ня здолеў замацавацца ў кіеўскім клюбе і за большай гульнявой практыкай перайшоў у днепрапятроўскі «Дняпро», дзе меў нядрэнныя бамбардзірскія паказьнікі.
У 2008 годзе ўпершыню апынуўся ў чэмпіянаце Расеі. Спачатку пасьпяхова гуляў за «Том». Гэтак у чэмпіянаце Расеі 2009 году ён стаў найлепшым бамбардзірам каманды, улучыўшы ў брамы супернікаў ў першай частцы сэзону 6 мячоў. Аднак, празь фінансавыя цяжкасьці клюбу, што прывяло да шматмесячнай запазычанасьці ў заробку, Карніленка пастанавіў сабе сысьці з каманды. У выніку быў набыты санкт-пецярбурскім «Зэнітам», які выдаткаваў за гульца 2 млн даляраў[5]. Некаторы час, праз траўмы асноўных гульцоў, выступаў у якасьці асноўнага нападніка дружыны, пасьля чаго часьцей выпраўляўся ў арэнды ў розныя клюбы. Прынамсі, у першай палове 2011 году пасьпеў згуляць у ангельскай Прэм’ер-лізе за «Блэкпул», які паводле вынікаў сэзону 2010—2011 гадоў страціў месца ў найвышэйшым ангельскім дывізіёне. У жніўні 2011 году прыяднаўся да расейскіх «Крылаў Саветаў» з Самары, зь якімі склаў працоўнае пагадненьне да 2014 году[6].
У ліпені 2019 году абвесьціў аб завяршэньні кар’еры[7]. У жніўні вярнуўся ў «Крылы Саветаў» у якасьці трэнэра[8]. У жніўні 2020 году перайшоў на пасаду спартовага дырэктара клюбу[9].
У лютым 2021 году быў заяўлены за «Крылы Саветаў» у першынстве ФНЛ, каб згуляць свой разьвітальны матч. 8 траўня 2021 году выйшаў на замену на 82-й хвіліне матчу супраць «Краснадарам-2», а на 84-й хвіліне забіў гол, усталяваўшы канчатковы лік 6:0[10]. У студзені 2023 году атрымаў трэнэрскую ліцэнзію катэгорыі Pro[11].
Міжнародная
рэдагавацьГуляў у моладзевай зборнай Беларусі. У нацыянальнай зборнай дэбютаваў 20 жніўня 2003 году ў таварыскім матчы супраць зборнай Ірану. З 2005 году пачаў трывала выступаць у зборнай, у 2009—2010 гадах быў асноўным нападнікам, які выходзіў у стартавым складзе. У 2012 годзе выступаў за алімпійскую зборную Беларусі на Алімпійскіх гульнях у Лёндане, дзе быў асноўным нападнікам. У траўні 2017 году абвесьціў аб завяршэньні кар’еры ў зборнай Беларусі[12].
Дасягненьні
рэдагаваць- Уладальнік Кубка Беларусі: 2003
- Чэмпіён Украіны: 2004
- Удзельнік Алімпійскіх гульняў: 2012
Крыніцы
рэдагаваць- ^ а б в Sergey Kornilenko // Transfermarkt (мн.) — 2000.
- ^ а б в Sergei Kornilenko // FBref (мн.)
- ^ а б в SERGEY KORNILENKO // Argentine Soccer Database (гішп.)
- ^ Клуб бомбардиров. Незаконченный Роман (рас.)
- ^ «Зенит» выплатил за Корниленко 2 000 000 долларов. Спорт-Экспресс
- ^ Сергей Корниленко переходит в самарские «Крылья Советов» (рас.) Архіўная копія ад 2016-03-09 г.
- ^ Футбол. Сергей Корниленко завершил карьеру футболиста (рас.) Архіўная копія ад 2019-08-01 г.
- ^ Корниленко вошел в тренерский штаб «Крыльев Советов» (рас.)
- ^ Корниленко стал спортивным директором "Крыльев Советов" (рас.)
- ^ Футбол. ФНЛ. Сергей Корниленко, который не играл два года, вышел на 82-й минуте прощального матча и забил гол "Краснодару-2" (рас.) Архіўная копія ад 2021-05-08 г.
- ^ Сергей Корниленко обзавелся тренерской лицензией категории PRO (рас.)
- ^ Сергей Корниленко завершил карьеру в сборной Беларуси (рас.)