«Блэкпул» (па-ангельску: Blackpool Football Club) ― ангельскі футбольны клюб з аднайменнага гораду. Прадстаўляе правінцыю Ланкашыр. Заснаваны ў 1887 годзе. Хатнія гульні праводзіць на стадыёне «Блумфілд Роўд» з 1901 году.
Мае шэраг мянушак накшталт The Seasiders, The Pool і The Tangerines (мандарыны), апошняя мянушка зьявілася з-за колераў клюбнай формы. Дэвіз клюбу — «Прагрэс». Клюб мае лякальнае супрацьстаяньне з клюбам «Прэстан Норт Энд», што мае назоў Заходняе Ланкашырскае дэрбі.
Найбольш значным дасягненьнем зьяўляецца перамога ў фінале Кубка Ангельшчыны ў 1953 годзе ў гульні з «Болтан Ўандэрэрз», калі «Блэкпул» прайграваў зь лікам 1:3, але здолеў перамагчы 4:3, дзякуючы намаганьням Стэнлі Мэт’юза.