Гаўр (футбольны клюб)
«Гаўр» (па-француску: Havre) — францускі футбольны клюб з гораду Гаўру рэгіёну Нармандыя. Заснаваны ў 1872 годзе як спартовы клюб у розных спартовых катэгорыях. Уладальнік Кубка Францыі (1959). Свае хатнія матчы ладзіць на стадыёне Асэан. Галоўным супернікам ёсьць клюб «Кан». Іхняе супрацьстаяньне клічыцца Нармандзкім дэрбі. Таксама прынцыповым супернікам ёсьць клюб «Лянс» з дэпартамэнту Па-дэ-Кале.
| Гаўр | |
 | |
| Поўная назва | Havre Athletic Club |
|---|---|
| Заснаваны | 1872 |
| Горад | Гаўр, Францыя |
| Стадыён |
Асэан Умяшчальнасьць: 25 178 |
| Галоўны трэнэр | |
| Чэмпіянат | Ліга 1 |
| · 2022—2023 | Ліга 2, 1 месца (падвышэньне) |
 Галерэя здымкаў у ВікісховішчыАфіцыйны сайт | |
Гісторыя рэдагаваць
Насуперак сьцьверджаньням клюбу, што іхняя гісторыя сягае да 1872 году, насамрэч, клюб быў закладзены ў 1884 годзе купай брытанцаў. Яны стварэньні атлетычны клюб «Гаўр» і спачатку гулялі ў гібрыдную вэрсію футболу, якая спалучала элемэнты рэгбі і ўласна футболу. Такі від спорту называўся камбінацыя. На клясычны футбол прадстаўнікі клюбу пераключыліся ў 1894 годзе.
У 1899 годзе «Гаўр» стаў першым клюбам па-за межамі Парыжу, які здабыў тытул чэмпіёну францускага спаборніцтва. У той час чэмпіянат ладзіўся Зьвязам францускіх таварыстваў атлетычнага спорту. Але варта адзначыць, што парыскія клюбы адмовіліся ад удзелу ў першынстве. Яно лічылі, што гаўрцы ня маюць права на ўдзел у розыгрышы, бо «Гаўр» ня быў чэмпіёнам свайго рэгіёну. Гэтак «Гаўр» выгуляў у паўфінале першынства клюб «Ліль», а ў фінале мусіў згуляць супраць парыскага «Франсэ», які адмовіўся ад гульні. У наступным годзе «Гаўр» зноў браў удзел у чэмпіянаце, перамогшы ў паўфінале клюб «Туркуэн». Гэтым разам «Франсэ» не адмаўляў у фінальным матчы, але парыжане атрымалі паразу ад «Гаўру» зь лікам 1:0.
Клюб славіцца сваёй вядомай моладзевай акадэмія, якая падрыхтоўвае маладых талентаў. Гэтак выхаванцамі клюбнае школы ёсьць Бэнжамэн Мэндзі, Ібраім Ба, Жан-Ален Бумсонг, Лясана Дыяра, Рыяд Магрэз, Стыў Манданда, Вікаш Дарасоо, Поль Пагба і Дымітры Пает. Паводле вынікаў сэзону Лігі 2 2022—2023 гадоў «Гаўр» здабыў перамогу ў чэмпіянаце і, такім чынам, здабыў квіток у найвышэйшы францускі дывізіён упершыню з 2008 году[2].
Склад рэдагаваць
- Актуальны на 11 лютага 2024 году
|
|
Крыніцы рэдагаваць
- ^ https://www.transfermarkt.com/ac-le-havre/mitarbeiterhistorie/verein/738
- ^ «Le Havre promoted to Ligue 1». Get French Football News.