Далер Кузяеў
Дале́р Кузя́еў (па-расейску: Далер Кузяев, па-татарску: Дәлир Хуҗаев; нар. 15 студзеня 1993 году) — расейскі футбаліст, нападнік францускага клюбу «Гаўр» і нацыянальнай зборнай Расеі. Далер ёсьць татарам. Заслужаны майстар спорту Расеі (2018).
| Далер Кузяеў | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 15 студзеня 1993[1] (31 год) | |
| Рост | 182 см | |
| Вага | 74 кг | |
| Пазыцыя | паўабаронца | |
| Клюбная інфармацыя | ||
| Клюб | Гаўр | |
| Нумар | 14 | |
| Клюбы | ||
| Гады | Клюб | Гульні (галы)¹ |
| 2012—2013 2013—2014 2014—2017 2017—2023 2023— |
Карэлія Нафтахімік Церак Зэніт Гаўр |
22 (0) 15 (0) 70 (0) 130 (16) 33 (2) |
| Зборныя | ||
| 2017— | Расея | 51 (3) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьКузяеў нарадзіўся ў Набярэжных Чаўнах, але ва ўзросьце двух або трох гадоў, разам зь сем’ёй пераехаў у Арэнбург[2], там пачаў займацца футболам. Ягоны бацька Ад’ям Кузяеў працаваў трэнэрам у мясцовым клюбе. Пазьней Далер пераехаў у Санкт-Пецярбург, дзе працягваў займацца футболам. Пасьля сканчэньня акадэміі «Зэніту» некаторы час правёў у клюбе чэмпіянату гораду, а потым далучыўся да клюбу «Карэлія», які трэніраваў ягоны бацька. Дэбютаваў у дарослым футболе 23 ліпеня 2012 году ў матчы першынства ПФЛ за клюб, які ў гасьцёх сустракаўся з кастрамскім «Спартаком», выйшаўшы на пляцоўку ў самым канцы гульні[3]. Пасьля некалькіх гадоў, праведзеных у клюбах ніжэйшых дывізіёнаў, далучыўся да «Церака», які выступаў у Прэм’ер-лізе. На новы клюб дэбютаваў 15 траўня 2014 году ў матчы супраць казанскага «Рубіну». 14 чэрвеня 2017 году падпісаў трохгадовае пагадненьні з «Зэнітам». Прыкметна, што ў сваім першым матчы за пецярбускі клюб адзначыўся першым голам у прафэсійнай кар’еры. Гол быў забіты праз 7 хвілінаў пасьля таго як Кузяеў выйшаў на замену ў матчы супраць хабараўскага СКА.
Міжнародная
рэдагавацьДэбютаваў за нацыянальную зборную Расеі 7 кастрычніка 2017 году ў таварыскай гульні супраць зборнай Рэспублікі Карэя[4].
Дасягненьні
рэдагаваць«Зэніт»:
- Чэмпіён Расеі: 2019, 2020, 2021, 2022, 2023
- Уладальнік Кубка Расеі: 2020
- Уладальнік Супэркубка Расеі: 2021, 2022
Крыніцы
рэдагаваць- ^ а б в Daler Kuzyaev // Transfermarkt (мн.) — 2000.
- ^ Далер Кузяев: «Петербург дал многое нашей семье». ФК Зенит.
- ^ Кузяев Далер Адьямович(1993). Департамент профессионального футбола.
- ^ «Уверенно победили Корею». Расейскі футбольны зьвяз.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball