Тальсынкі: розьніца паміж вэрсіямі

Змесціва выдалена Змесціва дададзена
Створана старонка са зьместам 'значак|Цеплаход «[[Viking XPRS» па дарозе з Хэльсынкаў у Талі...'
(Розьніцы няма)

Вэрсія ад 12:51, 22 кастрычніка 2012

Тальсынкі (часам таксама Хэльлін) — размоўнае азначэньне вандровак між Хэльсынкамі (Фінляндыя) і Талінам (Эстонія) з мэтай танных закупак. Тэрмін упершыню выкарыстаў у 1992 року эстонскі пісьменьнік Яан Каплінскі, відавочна скампанаваўшы яго з назваў абодвух местаў. Аддзялае абедзьве сталіцы адлегласьць усяго 80 км.

Цеплаход «Viking XPRS» па дарозе з Хэльсынкаў у Талін

Штолета тысячы турыстаў з Хэльсынкаў накіроўваюцца ў Талін на адзін дзень, праводзячы ўвесь гэты час у разнастайных унівэрсамах і на рынках, дзе кошты на тавары ніжэйшыя, чым на іхняй радзіме. Падобныя вандроўкі ладзяць і талінцы, хоць і ў значна меншых маштабах. Іх вабяць ня столькі «танны» шопінг, але магчымасьць прыдбаць нейкія асаблівыя тавары, што адсутнічаюць у Эстоніі. Да таго ж кошты на некаторыя харчовыя прадукты і вопратку ў Хэльсынках нават ніжэйшыя за талінскія.

Пашырэньню падобнага зьяўленьня спрыялі далучэньне Эстоніі да Шэнгенскае прасторы ў 2004 року, скасаваньне памежнага кантролю ў 2007 і, урэшце, пераход Эстоніі на эўра ў 2011.

Зьяўляліся нават прапановы злучыць Талін і Хэльсынкі чыгункай[прыбраць шаблён] па дне Фінскае затокі ў адзіны мэтрапольны абшар, падобна да Капэнгагену і Мальмё (Эрэсундзкі рэгіён). Аднак гэтая ідэя пакуль не атрымала шырокае падтрымкі.

Цікавосткі

Вонкавыя спасылкі