Спораўскае возера

Возера

Спораўскае возера

Краіна	Беларусь
Плошча	11,5 км²
Максымальная глыбіня	2,2 м
Сярэдняя глыбіня	1,4 м
Найбольшая даўжыня	5,6 км
Найбольшая шырыня	3 км
Даўжыня берагавой лініі	19,5 км
Вышыня над узроўнем мора	138 м^[1]
Аб’ём вады	0,0187 км³
Каардынаты	52°24′32″ пн. ш. 25°20′28″ у. д. / 52.40889° пн. ш. 25.34111° у. д. / 52.40889; 25.34111Каардынаты: 52°24′32″ пн. ш. 25°20′28″ у. д. / 52.40889° пн. ш. 25.34111° у. д. / 52.40889; 25.34111

Спораўскае возера на мапе Беларусі

Спораўскае возера

Спораўскае возера — возера ў Беларусі, у басэйне ракі Ясельды. Знаходзіцца на мяжы Бярозаўскага і Дарагічынскага раёнаў Берасьцейскай вобласьці, за 26 км на паўднёвы ўсход ад Бярозы, каля вёскі Спорава ў Спораўскім заказьніку, недалёка ад Спораўскіх балот. Плошча паверхні возера 11,5 км². Даўжыня 5,6 км, найбольшая шырыня 3 км. Найбольшая глыбіня дасягае 2,25 м, сярэдняя складае 1,4 м. Даўжыня берагавой лініі 19,5 км^[2].

Апісаньне

Цэнтральная частка ложа высьцілаецца сапрапэлем, дно да глыбіні 0,5—0,7 м пясковае. Схілы катлавіны нізкія, на паўночным захадзе вышынёй да 5 м, забалочаныя, парослыя хмызьняком. Берагі тарфяністыя, забалочаныя, на поўначы пясковыя.

Праз возера цячэ рака Ясельда, упадае рака Плёса і некалькі ручаёў.

Флёра і фаўна

Мясцовая фаўна ўлучае:

20 відаў сысуноў
112 відаў птушак (зь якіх 17 у Чырвонай кнізе)
6 відаў рэптыліяў
8 відаў амфібіяў.

Спораўскае возера — гэта найбуйнейшае ў Эўропе месца пражываньня вяртлявай чаротаўкі, якое ёсьць тэрыторыяй, важнай для птушак.

Крыніцы

^ ^а ^б GeoNames (анг.) — 2005.
^ БЭ. — Мн.: 2002 Т. 15. С. 119.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2

[_c3f7d443a1f02723-1] а ^б GeoNames (анг.) — 2005.

[2] БЭ. — Мн.: 2002 Т. 15. С. 119.

[1]

[2]