Праваслаўныя сьвяты

Правасла́ўныя сьвя́ты і пасты́ — адзначаюцца праваслаўнай царквой на Беларусі па старым стылі. Але ніжэй даты прыводзяцца па новым стылі.

Рухомыя (пераходзячыя) сьвяты і пасты

Пасха - 55 дзён	Пачатак Масьленіцы
Пасха - 48 дзён	Пачатак Вялікага посту
за тыдзень да Пасхі	Вербная нядзеля
•	Пасха (Вялікдзень)
Пасха + 39 дзён	Узьнясеньне (Ушэсьце)
Пасха + 49 дзён	Пяцідзясятніца (Тройца)
Пасха + 50 дзён	Дзень Сьвятога Духа
Пасха + 56 дзён	Пачатак Пятровага посту
Пасха + 70 дзён	Сабор беларускіх сьвятых

Двунадзесятыя непераходзячыя сьвяты

7 студзеня	Ражджаство Хрыстова (Каляды, Раство)
19 студзеня	Хрышчэньне Гасподняе (Вадохрышча)
15 лютага	Стрэчаньне Гасподняе (Грамніцы)
7 красавіка	Благавешчаньне Прасьвятой Багародзіцы (Зьвеставаньне)
19 жніўня	Праабражэньне Гасподняе (Перамяненьне)
28 жніўня	Усьпеньне Прасьвятой Багародзіцы (Прачыстая)
21 верасьня	Нараджэньне Прасьвятой Багародзіцы (Другая Прачыстая)
27 верасьня	Узьдзьвіжаньне Крыжа Гасподняга (Узьвіжаньне)
4 сьнежня	Увядзеньне ў храм Прасьвятой Багародзіцы

Вялікія сьвяты

14 студзеня	Абрэзаньне Гасподняе і свц. Васілія Вялікага
7 ліпеня	Нараджэньне Іаана Прадцечы (Купальле)
12 ліпеня	Свв. першавярхоўных апп. Пятра і Паўла
11 верасьня	Усекнавеньне галавы Іаана Прадцечы
14 кастрычніка	Пакроў Прасьвятой Багародзіцы

Мнагадзённыя пасты

Вялікі пост	Пачатак: Пасха - 55 дзён. Канец: Пасха - 1 дзёнь.
Пятроў пост	Пачатак: Пасха + 56 дзён. Канец: 11 ліпеня.
Усьпенскі пост	Пачатак: 14 жніўня. Канец: 27 жніўня.
Пост перед Ражджаством Хрыстовым	Пачатак: 28 лістапада. Канец: 6 студзеня.

Аднадзённыя пасты

Серада і пятніца на працягу ўсяго года, за выключэньнем усяядных тыдняў і Каляднага пэрыяду.

Навячэр'е Багаяўленьня	18 студзеня.
Усекнавеньне галавы Іаана Прадцечы	11 верасьня.
Узьдзьвіжаньне Крыжа Гасподняга (Узьвіжаньне)	27 верасьня.

Усяядныя тыдні (па серадах і пятніцах посту няма)

Серада і пятніца на працягу ўсяго года, за выключэньнем усяядных тыдняў і Каляднага пэрыяду.

Калядны пэрыяд	з 7 па 18 студзеня.
Мытара і фарысея	Трэці тыдзень перад Вялікім постам.
Сырны (масьленічны)	Тыдзень перад Вялікім постам.
Траецкі	Тыдзень пасьля Тройцы

Трапеза ў сьвяты

Паводле Царкоўнага ўставу, у сьвяты Ражджаства Хрыстовага і Богаяўленьня, калі яны прыпадаюць на сераду і пятніцу, посту няма. У Навячэр'е Ражджаства Хрыстовага, Навячэр'е Богаяўленьня, у сьвяты Ўздзьвіжаньня Крыжа Гасподняга, Усьпеньня, Нараджэньня і Пакрова Прасьвятой Багародзіцы, Увядзеньня Яе ў храм, Нараджэньня Іаана Прадцечы, апосталаў Пятра і Паўла, Іаана Багаслова, калі яны прыпадаюць на сераду і пятніцу, а таксама ў пэрыяд ад Пасхі да Тройцы ў сераду і пятніцу дазваляецца рыба.

Дні асаблівага памінаньня спачылых

Субота мясапусная	Субота перад масьленіцай.
Субота 2-я	Субота 2-га тыдня Вялікага посту
Субота 3-я	Субота 3-га тыдня Вялікага посту
Субота 4-я	Субота 4-га тыдня Вялікага посту
Радаўніца	Другі аўторак пасьля Пасхі.
Памінаньне спачылых воінаў	9 траўня
Субота Траецкая	Субота перад Тройцай.
Дзяды	Субота перад памяцьцю вмч. Дзімітрыя Салунскага (8 лістапада).

Не адпраўляецца вянчаньне

• Напярэдадні серады і пятніцы ўсяго году (г. зн. па аўторках і чацьвяргах).
• Напярэдадні нядзельных дзён (г. зн. па суботах).
• Напярэдадні двунадзесятых, храмавых і вялікіх сьвятаў.
• На працягу пастоў Вялікага, Пятровага, Усьпенскага і посту перад Ражджаством.
• На працягу Каляднага пэрыяду (ад 7 да 19 студзеня).
• На працягу сырнага тыдня (масьленіцы), пачынаючы зь Нядзелі мясапуснай і ў Нядзелю сырапусную.
• На працягу Пасхальнага (Сьветлага) тыдня.
• У дні і напярэдадні Ўсекнавеньня галавы Іаана Прадцечы — 11 верасьня і Ўзьдзьвіжаньня Крыжа Гасподняга — 27 верасьня.