Паліталёгія

Паліталёгія — грамадазнаўчая навука, прадметам якой зьяўляюцца палітычныя паводзіны, установы й палітычны працэс у дзяржаўнае сфэры.

Разьдзелы

1. Краёвая палітыка й палітычныя паводзіны жыхароў краю. Ахоплівае дасьледаваньне ўводных чыньнікаў і сілаў (зацікаўленыя згуртаваньні, грамадзянскія таварыствы й грамадзкая думка), выбараў, а таксама дзейнасьці выводных чыньнікаў (Нацыянальны сход, прэзыдэнт, Найвышэйшы суд).
2. Параўнальная палітыка. Прысьвечанае параўнаўчаму вывучэньню дзяржаваў дый іх аб’яднаньняў.
3. Міжнародныя дачыненьні. Складаецца з вывучэньня 1) зносінаў між дзяржавамі, 2) міжнародных арганізацыяў ды 3) міжнароднага права.
4. Палітычная тэорыя. У ёй робіцца разгляд адпаведных паняткаў, ідэяў ды каштоўнасьцяў.
5. Дзяржаўнае кіраваньне. Прысьвечанае разгляду кіраваньня й ажыцьцяўленьня публічнай палітыкі ўрадам з увагаю да арганізацыі ды асабовага складу чынавенства.
6. Дзяржаўнае права. Дапаможная галіна вывучэньня судовага працэсу, а таксама распрацоўкі ды ўвядзеньня ў жыцьцё законаў у грамадзкае сфэры.
7. Дзяржаўная палітыка. Ахоплівае вынік працы дзяржаўнага ладу — законы, пастановы й правілы, выдадзеныя выводнымі чыньнікамі дзяржавы (заканадаўчаю, выканаўчаю й судоваю ўладаю).
8. Мясцовае кіраваньне. Дысцыпліна, прысьвечаная вывучэньню палітычнай дзейнасьці ды ўстановаў на мясцовым роўні.

Беларускія школы

• Дэпартамэнт палітычных навук ЭГУ.

Катэдры паліталёгіі маюць:

• Юрыдычны факультэт БДУ
• Факультэт падрыхтоўкі Акадэміі кіраваньня пра прэзідэнце РБ
• Інстытут сацыяльна-гуманітарнае адукацыі БДЭУ
• Інстытут парлямэнтарызму й прадпрымальніцтва
• Беларускі інстытут правазнаўства